陳茵媺曬Rosewood性感浸浴相網友錯晒重點：發現鏡中有隻手！

因現時未能出遊，只可以選擇到酒店staycation留港度假，如靚媽陳茵媺（Aimee）最近便與老公陳豪及家人到酒店Staycation，Aimee更不忘在Instagram分享出浴靚相，更留言：「喜歡在浸浴時點蠟燭，及用手機播大自然聲音。」，不過一眾網友對於性感出浴相，都錯晒重點！

撰文：AY｜圖片來源：IG@aimeechan_official、IG@ anjaylia

陳茵媺曬Rosewood性感浸浴相網友錯晒重點：發現鏡中有隻手

疫情下，大家只好留港度假，選擇到酒店staycation。當中五星級「打卡」酒店更深受一眾藝人歡迎，如位於港島的Rosewood瑰麗酒店，更吸引大批藝人及KOL入住，酒店的超靚雲石浴室，可望到維港無敵海景！

繼藝人陳嘉寶、余香凝、倪晨曦等先後到Rosewood瑰麗酒店打卡，近日靚媽陳茵媺（Aimee）亦和老公陳豪及家人到酒店Staycation，Aimee亦有在Instagram分享出浴靚相，更留言表示：「喜歡在浸浴時點蠟燭及用手機播大自然聲音。」，但一眾網友對於性感出浴相，都錯晒重點！

陳茵媺（Aimee）日前在社交平台Instagram，出Post大曬浴缸浸浴的性感靚相，相中見到Aimee背對鏡頭，雙手交叉搭住後頸，一對修長美腿放在浴缸邊，狀甚愜意。雖然Aimee無特別講性感靚相由誰拍攝，不過一眾網友從鏡中倒影發現，陳豪在浴簾後伸出來手為老婆影相，網友都大讚兩人好恩愛啊！

早前，錢嘉樂湯盈盈夫婦帶埋兩個小朋友一齊去香港文華東方酒店（Mandarin Oriental Hong Kong）Staycation，更狂post打卡相片，狂讚酒店裝修靚、服務好。不過，網民似乎放錯焦點，個個見到湯盈盈流出女兒出浴照，都驚呼：「她只是個小孩呀！」