海洋公園水上樂園水質被質疑有問題 網民：去完就出事
海洋公園水上樂園在港人心中都有一定地位，以往每逢夏水禮等活動都會吸引到不少年輕人或一家大小入場玩樂。近年才剛翻新完成，場內設有5大主題區及27個玩樂設施，於2021年9月21日正式開幕的水上樂園，最近竟然被指連環出事，有人在討論區以「水上樂園啲水係咪有問題」發帖文。
多人皮膚出現問題：去完即爆濕疹、出紅斑、生眼瘡
內容中提到事主剛去完水上樂園，但回家後發現「喉嚨痛咗3日，個friend無啦啦爆濕疹，但原本係無濕疹」。及後有網民指「我去完都皮膚敏感，唔知關唔關水事，但手腳都突然有好多紅斑出現」、「我朋友去完第二日皮膚就爆瘡，但本身係連青春期都無生過暗瘡，仲生埋眼瘡。睇醫生話入咗污糟嘢，仲問朋友係咪去過水上樂園或者泳池。」
網民：究竟係咪唔會換水？
聽到去完樂園出事的網民分享後，有人指水上樂園允許遊客穿著拖鞋出入，而此舉容易令到有菌跟入池。有網民就表示曾聽說樂園的水不會經常換，雖然不知道是否真的與水上樂園水質有關係，不過大家都應該加強注意衛生，例如下水逗留時間不要過長、上水後亦要盡快沖身等！亦有網民警告，指「玩得水上樂園就預咗污糟多菌，一個有皮膚病嘅人喺水池浸兩浸，周圍嘅人就硬食，好彩本身抵抗力好嘅就未入侵擋得住，弱嘅就慘，分分鐘纏你一大輪。」
遊客玩完出皮膚問題非首次 2021年已有家長投訴
其實針對樂園水質問題的討論，今年並非首次，早在2021年10月，即開幕一個月時，已有家長投訴指水質不佳，指「一家四口玩完之後，3母子都出紅疹同痕癢，當中媽媽更在離園時已感到小腿及臀部痕癢，及至晚上3人都徹夜難眠，非常難受。」
YouTuber Carrie：排隊時隻腳都被逼浸住污糟水
YouTube Channel —— CarrieLuk26早前亦有一影片談及「水上樂園玩後感」，YouTuber Carrie指「落雨真係唔好去，好少嘢玩，全部人要留喺室內，露台都唔出得」。片中亦提到更衣室衛生問題有待改善，「去更衣室排隊多人到要企到水簾位，問題係嗰個位係有積咗水喺到，而啲水係混濁，好明顯係全日積累落去，但排隊你隻腳一定係浸咗喺入邊」。另外，她亦提到沐浴時，旁邊沖涼間的水會湧到「我自己嗰格」。
海洋公園曾就水質回應：屬世界級安全及衛生標準
從海洋公園水上樂園網站中可找到園方曾就水質作出聲明，指每天開園前及閉園後都會全面檢查各項設施的部件，池水亦受嚴格監控，確保符合國際安全及健康標準。
