龍翔道有男童疑四度惡搞嚇窒司機　再現旺角玩命「指揮交通」：佢係慣犯！

龍翔道有男童突彈出馬路嚇窒司機

前日（10月25日）一名網民於Facebook群組「馬路的事討論區」上載了一條長約19秒的影片，影片中顯示他正在龍翔道駕私家車行駛往觀塘方向，當他駕駛至鑽石山龍翔道及斧山道交界、近南蓮園池時，路邊的草叢突然有一名年約十多歲的男童彈出，張開手臂及腳擺出「大」字型姿勢疑似想要截車，但隨後又即時縮回，並沿著馬路邊的雙黃線離開現場，目的疑似是想大玩惡作劇以嚇窒駕駛者。幸而，司機即時收慢車速，同時響咹示警，並無釀成意外。

影片被公開後隨即引起大批網民熱議，網民都齊聲斥責男童的危險行為「隨時害死司機」：「係咪玩緊抖音呀」、「真係想落車煎佢兩巴！」、「Ｘ，我會打死火燈，落車打7佢！」、「睇下邊個唔好彩，好快會送佢一程」。同時影片內前車的司機亦現身留言：「師兄唔好意思，我係你前面架大車，嚟唔切打死火燈，我都俾佢嚇一嚇 」。

龍翔道惡搞男童原片

龍翔道惡搞男童疑再現旺角玩命

昨日（10月26日）有另一網民於Facebook群組「香港突發事故報料區及討論區」上傳一條長約11秒影片，事主稱事發生於下午5點的太子。根據身形及動作，疑似是同一名男童於長沙灣道及彌敦道交界、太子往旺角方向行車線上雙手不停擺動，疑似在十字路口指揮交通。另外在另一條上載於YouTube的影片可見，疑似為同一名男童於界限街往九龍城方向再於彈出馬路整蠱司機。根據男童衣著、上載時間及拍攝地方只相差一條街，相信2條片的事件是於昨日下午約5點左右發生。

長沙灣道及彌敦道交界影片

界限街往九龍城方向影片

同時男童亦被拍到在馬路中心被交通警勸喻，但時間及位置不明，不過根據相片中男童衣著，可猜測是同一日於太子附近發生。

疑似龍翔道同一男童四度於馬路做出危險行為

另外，有網民翻查舊片，發現疑似同一名男童曾出現於筲箕灣官立中學對出作出同樣危險行為。在司機發現男童並收慢車速後，男童見沒有得逞，竟雙手一攤擺出毫不在意的動作挑釁司機，可見男童實為「慣犯」！