做零售最怕遇到的4種客人 香港人係絕頂西客：寧願做內地人生意
日前在香港討論區中，有網民以「做零售真係最怕遇到呢啲客」為題，比較香港客與內地客分別，指香港客「好難搞」、「成日話要投訴」、「唔怪得有啲sales對大陸客態度仲好過對香港客」等。
做零售最怕遇到｜01 以為自己買嘢就係大爺
樓主指香港人心急無耐性指：「以為自己買嘢就係大爺，明明自己只係買幾廿蚊嘢，明知sales幫緊其他客係都要叫人幫你」、「叫佢等一等好似會少咗忽肉咁，嘖黎嘖去唔知想點」， 樓主建議「人哋做緊野可以搵其他無嘢做嘅同事幫手」等。
做零售最怕遇到｜02 唔跟規矩
樓主就指內地人只要說了規矩「唔得就唔得」，並不會強行要求。樓主以買福袋為例，講明最多可以揀5件放盒，如被發現多了一件的話，內地人會笑笑口然後將貨品交出。然而香港人則會夾硬：「我唔係第一次買之前都係咁架啦，快啲我趕時間呀」等，理直氣壯地不停問「點解之前得但而家唔得」。
做零售最怕遇到｜03 好鍾意投訴
下方就有網民十分同意指：「當自己養起咗你成間公司咁嘅態度去投訴」，相反內地人多數說話大聲，「真係買就買，唔會做咁多小動作」等。
做零售最怕遇到｜04 𢱑盡著數
樓主亦指以往內地客只要「Sale」下就會買，最想知買多少少會不會有折頭，Sales只要送贈品內地客就會再買多點。而香港客則喜歡𢱑盡著數，試十幾件試到成地衫先買一件，更會不停「𢱑著數」，沒有著數的話分分鐘一件不買。
網民：其實唔止零售業
網民分享類似事件不只是發生在零售行業：「醫院都係，買保險住私家大大聲話我畀錢你㗎，畀咩服務我？點解醫生仲唔黎，護士點解唔幫我乜乜；大陸人反而『些些前些些後』，怕我哋忙會耐心等候」、「香港人最鐘意以自己嘅以為去質疑你嘅專業」；不過亦有網民指香港客同內地客都一樣有西客：「香港同內地都有西客、好客，點解一定要標籤？」、「啲客麻煩，西客唔需要分得咁清」等。
