第7位 踩鞋踭
香港地少人多，在某些人擠人的地方如旺角、尖沙咀等，尤其容易被踩鞋踭，然而很多時候都「無仇報」，再加上如果著住白鞋被踩，心入面真係會爆粗！
第6位 撳住電話慢慢行
香港人生活繁忙，無論是處理工作，抑或爭取時間打機，導致很多時候都會一邊㩒電話一邊行路，但dup頭頭慢慢行時就隨時阻到人！
第5位 細路仔橫衝直撞
小朋友精力旺盛，去邊都橫衝直撞，但家長未必能及時阻止（甚至有些家長根本不打算阻止），於是小孩子在人群中橫衝直撞，隨時撞上步速極快的香港人！
第4位 兩條友霸晒路中心
香港路窄人多加上人流熙來攘往，很多行人路只需兩個人並排就已經「封路」，在你心急時遇上「行孖咇」的人士，真的會非常躁底。
第3位 撞到人唔Say Sorry
如上文提到，人流熙來攘往加上路窄，特別容易發生碰撞事件，不過就不是人人都有禮貌識講句Sorry，而是直接離去，這無禮貌的行為榮登第3位！
第2位 行行吓急停
行行吓突然急停，行路突然急停的原因可能有很多種，例如突然停低聽電話、摷袋、醒起自己行錯路、與另一半鬧緊交、忽然懷疑人生悲從中來等，但無論邊一種原因造成的急停都非常討厭，後面的人隨時收掣不及直接撞上！
第1位 火車頭
第一名絕對實至名歸，非煙民的你一定非常認同「火車頭」真的是極為討厭的存在！ 不少人都指火車頭是最自私的人，「逼人食埋你嘅二手煙」、「係咁噴煙又行得快嗰啲，唔競步過佢就要係咁食煙」、「企鋪頭前食嘅都係衰人，吹哂入鋪要人硬食」。而且拿著煙又會隨時辣親行人的手，險象環生：「試過行行下唔知隔離條友原來拎緊枝煙，俾佢枝煙辣親隻手，我另一隻手拖住個細路，如果俾著係另一邊hi到就會辣親個細佬塊面！」
同時也有網民提出解決火車頭的方法：「帶定較剪出街，下次一嘢剪佢煙頭」、「好似日本咁整個吸煙區，禁止街道上食煙！」
