港男大鬧機場發脾氣掟Dior行李！命令女友去執
前日（6日）在Twitter、連登討論區及各大Facebook群組瘋傳一條於香港國際機場抵港層拍攝的影片。影片時長39秒，影片一開始主角之一的暴躁港男就隨手拎起放置在行李車上的連盒Dior袋，用盡九牛二虎之力一嘢掉向遠處，再以小碎步跑到Dior袋附近，再一腳踢出一球世界波，將行李直接踢落樓梯下。展示如踢世界波的好功夫後，再大聲命令尤如「球童」、站在其他行李的另一半： 「去執啦！」
最後都係認低威去執？！
由於拍攝者距離較遠，收音關係難以聽清楚港女回答了什麼，只見影片中她嬲爆爆將原本手上扶著購物袋掉落地上宣洩主權，想挽回些少面子，然後港男多次問道：「執唔執呀？！」命令無果後男方徑直離開現場而女方亦決定到樓梯執行李。而爭論在執與唔執的世紀難題之間，一名外籍保安若無其事地行過，穿過2人中間，果然是見過大風大浪的大叔，肢體動作處處都表現出相當之chill。
無前因後果 難分對與錯
事後兩人的舉動引發網民的猜想，有人指事件無前因後果，很難單憑影片判斷誰對誰錯。有機會是女方的某些行為惹怒男方，亦可能是兩人之間有爭執，繼而惹怒暴躁港男，令他單方面失控。
網民斥港男「唔成熟」：掟嘢嘅人EQ脾氣都差到一個點！
縱使絕大部分網民都認為就算發生什麼事，港男都不應在公眾場合「失控大暴走」，「唔知前因後果，好難話邊個唔啱，不過，掟嘢始終唔太好嘅觀感形象…」、「仲執？立即華麗轉身閃啦！夠膽咪唔好執，做到咁已經預咗『玩完』！係咁先！」、「呢啲咁嘅男人未嫁佢都已經掟嘢，嫁咗佢咪打人都似？唔理誰對誰錯，掟嘢嘅人EQ脾氣都差到一個點！」
懷疑又拍廣告
不過因為之前譚仔三哥黑白情侶街頭打大交，實為拍廣告事件，不少人都懷疑2人是在拍賣行李廣告，「不過應該賣緊喼廣告，想知佢有冇爆到」。
即睇原片
This is art, especially the hissy walk-off at the end pic.twitter.com/kjwd79hwgV
— Justin (@hurtingbombz) December 5, 2022
