孤寒港媽要求幫忙買飯陪孩子食完再上堂
該名大學生在Dcard討論區中發文表示，自己正幫1位小朋友私補約半年，大讚小朋友乖巧肯學，而家長也放心，形容「一直都幾好」。暑假期間，港媽也安排了星期一至五，每日45分鐘學習英文及跟進功課。後來該港媽傳來訊息稱因為工作緣故，不能照看孩子用餐，希望她能幫忙買飯陪孩子食完再上堂，亦會把飯錢連同補習時薪一併結算。
私補老師提出照計半小時薪金被拒
事主當下認為沒有問題，便爽快答應，同時提出要按時薪計算收回陪食飯的半小時薪金，「沒問題，不過就收多半個鐘錢」，卻被對方一口拒絕，反問「陪佢食飯都收錢？」，令事主大感無語，認為利用自己私人時間陪食飯收錢是合理要求，隨即嬲爆出文問網友「私補家長有咁嘅要求，會唔會太過份」。
網民一致狠批：好孤寒
帖文一即後引起熱議，有網友直斥為怪獸家長，直言「又唔係保母，一係就畀多個鐘頭錢，佢真係好孤寒」；網民紛紗支持樓主要爭取自己理得的薪金，「笑死！犧牲私人時間同佢個小朋友食飯點解唔使錢」，又比喻為上班，「返工如果咁啱無客，老細都要出糧㗎。一樣道理，叫得人返工就係要出糧㗎啦」。有人就曲線揶揄家長「可以陪小朋友食飯係你賺咗，應該感恩」。
另外有網民指曾遇過類似要求，但因學生家長會包其用餐費，故沒有另算工資，「我都試過，不過個家長好識做，話叫我買埋自己個份一齊食」、有人則認為重點是補習老師與家長、學生的關係，有人就遇過「天使級」家長，「佢媽咪個個禮拜都好有心機整各種美食比我哋一齊食，西餐都整過，仲有水果同甜品」，直呼非常幸福。
網民留言：
港媽為什麼要求私補老師買飯及陪孩子食飯？
私補老師指自己正幫1位小朋友私補約半年，大讚小朋友乖巧肯學，而家長也放心，港媽向私補老師傳訊息稱因為…詳情請看
港媽為什麼拒絕私補老師要求？
一開始，私補老師爽快答應陪孩子食飯，但提出自己的要求後，港媽竟然…詳情請看
