連登仔3點力批香港人講嘢極刻薄　日本開關突顯港人超mean：憎人富貴厭人貧

1. 個個旅遊達人日本通上身

不少電訊公司因為日本開關而重點推廣國際漫遊服務，而Smartone亦不例外。開關當日Smartone就派出特派專員飛到大阪，出post實測以MySOS app過關及下載App，宣傳自家推出的數據漫遊服務。不過帖文下就隨即有用戶留言：

我有DoCoMo日本本土sim，基本上都係無限data，仲需唔需要SMC Roaming（國際漫遊服務）啊？
不如你哋認真咁搞好本地嗰network先啦！

而Smartone亦回覆該名用戶，「雖然Docomo都叫無限數據，但會設FUP（公平使用政策），即使用一定數據量後就會限速。」令該名發帖的網民直斥「有幾多人有日本卡呀？旅遊達人日本通上身咁做咩？」

2. 唱錢唱多唱少又要酸

日本開關當日，不少記者都到機場直擊重飛日本的盛況。當中有一名乘搭香港快運的旅客接受訪問時表示「plan行程1日都唔使，等咗3年，終於行得」，同時稱已經兌換了40萬日圓（港幣20,000元）到大阪及名古屋旅行，更形容為「報復式消費」。但報導下方的留言卻盡是挖苦受訪者：「40萬円唔好拎出嚟講啦，唔知以為美金」、「2萬……其實係咪同自己有仇？」、「2萬？ 個仇都好細吓啫！留返個機位俾啲血海深仇㗎啦」、「嗰2萬蚊唔好講啦，笑L大人個口」、「得20k都叫報復式，唔好去到日本同人講添呀」。

事主在落機後就留言回應：「好尷尬一落機就係咁收到cap圖，本身諗住答得咁普通，應該唔會播出街。我平時都唔係好大洗做人，都係睇風景食吓嘢咁，對比大家簡直係小巫見大巫，分開可以去多幾次日本，我覺得仲抵仲開心。」

而網民見到以上「吃不到葡萄是酸的」留言，都忍不住斥責香港人愛眨低他人：

香港人真係乜都鐘意踩吓㗎
唱得少錢就笑你窮
唱得多錢又笑你唔碌卡
行程緊密又話辛苦過返工
一日一個地點又話好悶唔識玩
機票/酒店買平買貴住遠住近、租車搭車、去幾多日乜都有得講一餐
總之佢哋本人去就最醒最識玩

3. 去邊到都要管

另一名接受訪問的女士向記者分享自己的行程，指到達大阪後第一站會先去黑門市場食刺身、海鮮等。不料「去黑門市場」這5個字卻被眾多網民嘲諷：「呢個女人，原來你真係唔識㗎喎，竟然講得出狗衝黑門巿場」、「黑門市場有名你叫黑市，阿太你做人哋老母仲咁onX」、「第一時間去黑門被人劏到一頸血」、「去黑門市場俾人劏仲要講出嚟俾人知，想食好嘢打開Google Maps高分嗰啲就去啦，睇嗰啲乜旅遊書睇壞腦？」

部份網民雖然都可以理解「去黑門市場＝水魚」的言論，但因為實在不齒以上的留言，便反擊到：「做乜個個喺度扮日本地膽？人哋唔志在使錢同鍾意去邊有咩問題？」 、「見到好多人喺到笑9黑門市場，我又想睇下你哋有咩高見？仲有人話京都錦市場好過黑門市場，又大又多嘢食，我住京都我都覺得唔好意思」。

網民：有啲人一定要搵啲嘢嚟證明自己比較高級

帖文引起大批網民熱議，不少人都指出香港特性正是「憎人富貴厭人貧」，「香港人最叻㗎啦，自己無就小人，自己有就睇唔起人，一直都係咁」、「香港人文化就係踩人同埋乜都X一餐先，去旅行咁開心咁要搵位插人，又X人唱得少、電話卡唔用本地，係都要搵啲優越感證明自己醒過人」。

同時也有人指出每個人的旅行方式皆有不同，富遊還是平遊都是個人選擇：「唔通我做packer又要你批准咩，旅行用幾多錢關你L事，Mean少陣唔會話你啞」、「其實去旅行係咪規定一定要大洗？人哋平平哋去唔得嘅？真係得香港人會咁樣諗，大把人去旅行係想要個體驗，外國大把backpackers都係咁」。