男食客怒轟外賣Pizza出錯、要求全額退款
人氣意大利餐廳Pizzeria Jacomax早前在其Facebook專頁出post，和大家分享一件意味深長的小事。貼文指，當日餐廳透過deliveroo外賣一個Pizza，約10分鐘後就收到客人電話，「好angry咁用英文少緊我話點解要切佢個pizza」，因為食客明明已經在備註欄寫上「Don’t cut my pizza」，一打開卻發現切開了，於是一怒之下就打到餐廳並要求全額退款。老闆承認錯誤，解釋當時「真心係睇漏左」，但也表示「唔可以做full refund因為pizza all good 只係錯咗」，老闆想提供不同解決方法，但對方「直情跳掣一樣，cut線再打返嚟鬧」，老闆再次嘗試提供解決方案，但一出聲對方即表示「未講完唔好插嘴」。
換食客老婆溝通、終順利解決事件
正當事件陷入僵局，食客的老婆接過電話，語言溫柔地向老闆查問「請問可以有啲咩solution 嗎？」，這時老闆終於可以說話，回應指「漏咗係真的，咁但係full refund 係唔proportional」，食客老婆就解釋因為非常喜歡他們家的Pizza，每次買回來都會按喜好再加工，「切咗對於佢嚟講就係終結咗佢嘅lunch」，加上當時老公極肚餓，因此情緒比較激動。老闆表示明白，提出可以「出張少少地嘅 cash voucher 入番deliveroo account」，順利解決事件。
男食客事後再來電、老闆笑言「娶個好老婆真係好重要」
沒想到1小時候，該名男食客又再致電餐廳，非常有誠意地向老闆道歉，指自己不應這樣發脾氣，但當時實在太肚餓，因此情緒比較激動，老闆複述食客指「希望我原諒佢，令我嘅 sunday 過得咁差，叫我一定要put back a smile on face」，老闆笑笑表示’okok appology accepted’，然後圓滿解決今次事件。事後老闆就在Facebook專頁出post，更笑指「呢件事意味深長嘅位係：娶到個好老婆真係好重要 」。
網民表示有共鳴：肚餓會失去思考能力
不少網民看完這個故事後都表示明白男食客為何激動，指「我都見證過一個男人會因為太肚餓而情緒失控」、「當一個人好肚餓係會失去95%思考能力」；不過也有網民表示「送錯食物或者真係可以堅持退，但發火狂駡就真係道歉都無用」；也有不少網民認同貼文最後一句，指「覺得位先生好好彩，娶到個了解包容自己，仲識令雙方心情可以好返嘅老婆」、「娶個好老婆真係好重要」！
餐廳再回應：欣賞兩公婆處理態度
有網民指餐廳的確做錯，反質疑其處理手法及放上網的動機。其後餐廳也有回應，指分享這件事是出於「事件真係好有layers，每一個reaction、每一個pick up 都好有啟發，先拎出嚟分享下」，並非想取笑或公審客人，更加想帶出的是溝通的重要性，並讚揚食客夫婦的處事態度，指「老婆係真係處理得好，亦令人舒服，讚；老公更加讚，因為佢對我道歉係因為佢之前嘅態度」，更強調對方道歉並不代表餐廳沒錯，餐廳也承認「錯在我們」，只希望透過這件事，發放一下正能量，又指明白「每人嘅觀點都唔同」，希望大家都可以’put back a smile , have a good Monday’！
