的士加價｜7.17加價至$27 網民力數搭的士血淚史：態度幾時提升吓？
最近運輸署公布7月17日起的士正式加價，市區的士起錶價從$24加至$27，而三類的士落旗收費各增加3元，落旗後首段跳錶收費每跳增加2毫，而後段跳錶收費則每跳增加1毫。不過有網民則指「錢就識加，但服務態度就一直降低」，更指現時已減少搭的士的次數，「廢事畀錢受氣」，指香港人一定會明白當中的心情。
的士血淚史一：短途車被黑面
若要去的目的地相當接近而司機又不能拒載時，乘客「過到第一關過唔到第二關」，因司機會全程黑面加碎碎唸，態度不佳。
網民指「明明用你極少油都可以收到$24算係咁，你一日無客多幾個短途都係錢」。
的士血淚史二：養寵物一定當睇你唔到
有時候截的士都要靠彩數，明明車內沒有客人，但的士總會在面前掠過不停車，網民指「有好多司機揀客，見抱住隻狗就唔車」、「大件行李都唔車㗎，抵佢無生意」。當中網民強調每次手抱寵物截的士，「十架有8架都唔停車，最多咪畀多少少錢，法律無規定帶狗仔唔坐得的士」，更因此而經常與司機吵架。
的士血淚史三：車尾箱超驚嚇
網民指的士車尾箱好多時都會「塞到爆」，想擺在前排座位也不行，但「見到司機用嗰條幼到就斷嘅繩去拉住車尾箱，個啲堆到就嚟高過個人嘅成日就跌就跌咁，真係好驚佢一個拋車行李跌晒落街」。亦有網民指擺放在車尾箱的物品有時司機會忘記了，「一落車就開車走人，成箱拍攝器材無咗，都唔知有心定無意。」
的士血淚史四：等的士命運總是錯
網民指永遠等的士時都會遇著同一情況，「等咗十幾分鐘都無車，一行開個的士站就即刻有車上去，真係玩嘢」。
的士血淚史五：問你行邊條路，識我就唔搭的士啦⋯⋯
當你對目的地較陌生時，的士都是最方便的選擇可以點到點前往目的地，惟網民指的士司機慣常問如何前往。「次次都我行上路定下路，行邊條橋，我聽到都呆咗，我都唔知點答你好」。更表示若然識路便不用靠的士，「答完上路都係行返下路，有時仲叫我帶路，的士唔係考牌要識路㗎咩？」
的士血淚史六：爭上車如跑步競賽 揸車似飄移
網民指在街上截的士如同競技比賽，「的士司機係唔會理你邊個截車先，總之你自己鬥餐飽，有人坐上即開車」，最慘的是「試過等咗十幾分鐘終於有車，截到埋嚟有個啊嬸真係坐上去，我唔畀佢走，個司機鬧返我轉頭，係咪有病？」亦有網民指，「有時的士司機趕時間想做多幾單，揸快到飄移咁，明明要過條馬路先到，就叫我早一個街口落車，大佬，而家我畀錢喎。」
的士加價多少？
運輸署公布7月17日起的士正式加價，市區的士起錶價從$24加至$27，而三類的士落旗收費各增加3元，落旗後首段跳錶收費每跳增加…詳情請看
的士加價為何惹網民共鳴？
網民共數出6個的士血淚史，其中一項指在街上截的士如同競技比賽，表示的士司機….詳情請看
