港人憂泰國已成危險地段 揚言未來10年都不再到訪
截至目前為止，本港至少收到超過20宗懷疑被誘騙到東南亞國家的求助事件，港府早前提出身陷苦海的港人可透過WhatsApp專線求助，或家人代為報警，不過有網民質疑「人哋都話用唔到電話，咁點樣當地求助？叫家人代為報警，一個喺香港，一個喺外地，家人點知佢喺邊？」然而，有網民在網上以「有無人未來10年都未必再去泰國旅行」為題發文，指「柬埔寨、緬甸我就一直都唔會去，而家連泰國都唔係好安全」，當中引用台灣媒體指「泰國租車公司都有可能同詐騙集團掛勾，整車人會被載走」，明言有感危險程度令自己10年內都不敢踏足泰國。
原訂泰國旅行計劃即取消：喺香港偽泰國旅行算
原本泰國開關加上回港檢疫措施得以放寬，有港人已打算出發旅行，惟事件近來迅速被報導，難免令人憂心。有網民表示「本身變咗3＋4之後都計劃咗會去，但而家已經取消咗，啲消息越嚟越誇張，真係唔敢去」、「原本都打算去曼谷、清邁玩吓，真心好可惜」、「其實東南亞國家呢幾年都唔會敢去，佢哋經濟差咗咁多，唔知會發生咩事」、「GASO（全球反詐騙組織）都叫人呢段時間唔好去，仲要去嘅人唔知咩心態，係咪唔正常」、「我都係留喺香港扮泰國旅行算啦，去九龍城當食吓嘢影相，去阿布泰聽住泰文歌買豬肉飯都似嘅，著返套泰國風嘅衫同埋唔好開冷氣」。
網民反駁：以前都有類似事件發生，今次講到好嚴重
不過亦有網民表示不同意，指各個國家以往都有發生類似事件，但因當地媒體未有大幅報導或未牽涉到外國大量人口，所以甚少人留意。「其實咁驚應該邊到都唔好去，又唔係第一次有呢啲事發生」、「其實全個世界都有好人同壞人，之前去過柬埔寨真係一個好好嘅旅遊地方，風景係一流」、「建議話好驚泰國危險嘅人以後只留喺香港」。
雙方爭持後亦有人作出和事佬，指「其實大家都只係講出個風險，自己衡量啦去唔去就，都係好心提你避免去當地，有咩事都唔知點救你」。
泰國通胡慧沖：港人如果真係好擔心就唔好去啦
至於被稱為泰國通的旅遊達人胡慧沖亦有指片分享當地資訊，更表示曾一度收到受害人的求助，他指現時坊間流傳多種不同的消息，亦知很多港人擔心泰國安危。他曾表示指泰國情況非坊間所指「咁危險」，籲大家理性分析。對於街頭擄人事件，他曾表示未有聽聞相關消息，有待更多資訊才可評論，而他亦指相信當地人若要「打算盤」，理應以當地有錢華人先為目標。他亦曾透露指當地政府有所部署，不過港人若然很擔心的話則建議暫時停止出發當地。
