日本旅遊｜放寬「不帶導遊團隊」入境　到底要跟團定可自由行？旅行社咁解釋

日本旅遊｜日本9.7起放寬2大入境條件　允許「沒有導遊跟隨的旅行團」入境

據日本傳媒報導，日本首相岸田文雄今早（8月31日）在記者會中宣布9月7日起實行放寬，包括每日入國人數從2萬人上調至5萬人；同時亦打算允許所有國家以旅行目的入國的遊客以「沒有導遊跟隨的旅行團」入境。而日本國家旅遊局香港辦事處亦向傳媒表示，日本9月非完全開放以往自由行的模式，入境日本的旅客必須經由旅遊業者代訂機票、酒店、並確保在當地可隨時聯絡得到，而且必須先經旅行社把行程提交給日本政府。

禤國全：估計日本政府「半自由行」仍有很多限制

對於今次日本政府的安排，禤生指未必可即時刺激到港人出發旅行的意欲，除了因香港仍有檢疫隔離措施外，他估計日本政府即使開放半自由行，仍會有很多限制。他指「日本政府很大程度上未必會咁快變返以前大家熟悉嘅嗰種自由行，現時旅行社辦團都要清楚交代每日行程同搵日本當地負責單位去申請同簽文件，所以半自由行的旅客有無可能唔需要搞簽證呢？要搵日本當地公司幫你簽文件出證書，自己基本上好難做到，講到底都係要搵旅行社幫你上報每日行程、住邊間酒店、搞簽證，其實手續都好複雜。」

航空公司運力不足　放寬措施未能令旅遊業加快復甦

他又提到以「半自由行」出發的風險仍然存在，因回港前需做PCR檢測，有陰性報告才可上機回港，否則你要在當地臨時自行安排一切突發事項，所以大家仍要小心。而且機票價格亦成為一個阻力，禤生指航空公司的運力不足，每日飛往日本的班次只有數班，相比以前一日幾十班次仍有很大差距。「而家一張去東京機票最少都要$8,000-$9,000，9月應該仲會再貴啲，因為好多人要返學或者去東京轉機去北美洲，需求大供應少，價格自然提高。」

至於旅行團方面，自從日本關關讓旅行團入境以來，團數確實日漸增加。「7月我哋都係得4團旅行團，隨住『3＋4』出現，8月和9月都由10幾團增加到20團，而且已經報晒名等出發，所以明顯大家係有想旅行嘅心，只係一直都未放寬措施同埋航空公司機位少所以影響。」他又提到很多人對旅行團有所誤解，以為現時的日本團全天候都有導遊跟到實一實，行程排得密麻麻，但其實是有自由時間給旅客自由活動。「其實旅行團啲行程並唔係大家想像得咁死板，譬如第二日行程係喺銀座，晏晝12點到晚上6點都會喺銀座畀大家自由時間，其實都好彈性。」

港人：同跟團出發有咩分別？

至於網民對於今次日本政府放寬的睇法就未如以往般興奮，因大家對其「沒有導遊跟隨的旅行團」感到「多此一舉」，指「其實而家都仲要搞簽證，又要網上預約又要親身交Form，等差唔多10日先搞掂，越多人申請需時越耐，好麻煩」、「返嚟3＋4都唔想去啦」、「要去旅行團買Package先出發得？咁都叫半自由行？」、「一日仲要Visa一日都唔會出發」、「咁咪又係團入團出，咁其實都叫放寬咩」。