大部份香港人一有假期就會去旅行，開開心心玩幾日，不過有網民就因為在飛機上遇到一個爆喊BB，喊聲令他崩潰，直指2歲以下的BB不應搭飛機，同樣不知道父母帶幼兒出遠門是什麼心態。有人認同事主：「BB同父母都辛苦」，不過亦有人指：「好睇家長點樣manage」等。

搭飛機 港男斥2歲BB不應去旅行。（圖片來源：Unsplash@Suhyeon Choi）
港男斥2歲BB不應去旅行。（圖片來源：Unsplash@Suhyeon Choi）

港男撘飛機撞正2歲爆喊BB　斥無自理能力不應去旅行

日本、韓國等地一直都是港人熱門旅遊地，早前，一名港男出發去日本時，本來興高采烈「返鄉下」，豈料一上飛機即遇上爆喊BB及不負責任的父母，直指全程機都「嘈到拆天」。

搭飛機 港男指爆喊BB令全程機「嘈到拆天」。（示意圖，非當事人）（圖片來源：TVB《愛回家之開心速遞》劇照）
港男指爆喊BB令全程機「嘈到拆天」。（示意圖，非當事人）（圖片來源：TVB《愛回家之開心速遞》劇照）

父母討論行程懶理BB爆喊　港男：帶BB去旅行唔知咩心態

該港男指，BB在機上瘋狂大哭，其父母則旁若無人地討論「邊度check in」、「去邊食嘢」，完全未有出手安慰子女。飽受BB喊聲之苦的他以為落機後「可以清靜下」，沒想到竟然十分有緣地「同一班巴士去長野」，令他不禁崩潰發文怒斥「帶兩歲以下嘅BB去旅行都唔知咩心態」。他的觀點引來不少網民熱議，更分為「開放態度派」和「禁B上機派」互相對罵。

搭飛機 BB飛機上爆喊，令發文者怒斥「2歲以下BB不應搭飛機」。（示意圖，非當事人）（圖片來源：TVB《愛我請留言》劇照）
BB飛機上爆喊，令發文者怒斥「2歲以下BB不應搭飛機」。（示意圖，非當事人）（圖片來源：TVB《愛我請留言》劇照）

開放態度派網民：帶BB去係為咗製造美好回憶

持開放態度派的網民不同意港男的觀點，認為父母經常帶同年紀小的BB一同旅行「唔難理解」，只因「兩公婆想去又冇人幫手睇仔」，加上兩歲以下的嬰兒機票「平好多」，認為他們會帶去旅行亦無可厚非。同時，亦有大批網民認為帶BB外遊可以「打卡」，讓他們「大個睇返」、「嗱！你細細個嚟過呢度呀」，一家人一起製造美好回憶。自己出錢去旅行只要管理好BB，唔使理其他人點講。

搭飛機 帶埋BB出遊，一家人可共同製造美好回憶。（示意圖，非當事人）（圖片來源：TVB《BB來了》劇照）
帶埋BB出遊，一家人可共同製造美好回憶。（示意圖，非當事人）（圖片來源：TVB《BB來了》劇照）

禁B上機派網民：好心就3歲先去啦！

部分網民持開放態度的同時，亦有大批網民對港男的觀點舉腳贊成，直指2歲以下BB難以控制，就算由負責任的家長照顧，並難免會在飛機升降或機程途中不適而有情緒。網民又指其實「3歲已經好好多」，因為「識唔識行」、「大小二便自控到」已經差好遠。亦有照顧小朋友經驗的網民表示2歲或以下的BB基本上未返學，又或是「返緊N班」，「成嚿飯咁」、「無能力控制情緒」的確不適宜去旅行，而當小朋友踏入3歲或以上，開始正常返幼稚園，自理和自控能力會提升不少。

家長帶小朋友搭24次飛機　建議起飛前放電同餵飽

但有家長亦指其實家長角色亦很重要，並分享自己帶BB坐飛24次飛機的經歷：「BB適唔適合飛真係好睇BB本身同埋家長安排，我會揀佢準備食奶時間起飛既航班同機程短嘅試先，例如12:30飛台北或者沖繩，喺機場Gate23出面玩放電同去換片之後就上機，飛機起飛就餵奶減耳壓影響，咁放完電同食飽飽就好快瞓著，瞓醒就落機。」

搭飛機 小朋友3歲返幼稚園後會好好多。（示意圖，非當事人）（圖片來源：tvN《再見媽媽又再見》劇照）
小朋友3歲返幼稚園後會好好多。（示意圖，非當事人）（圖片來源：tvN《再見媽媽又再見》劇照）

港男表示爆喊BB父母不負責任？

日前，一名港男發文表示自己近日出發「返鄉下」，同機遇上一個爆喊BB，其父母則旁若無人地…詳情請看

港男的觀點引來不少網民熱議？

令他不禁崩潰發文怒斥，引來不少網民熱議，更分為「開放態度派」和「禁B上機派」互相對罵，分別…詳情請看

圖片來源：Unsplash@Suhyeon Choi、TVB《愛我請留言》劇照、TVB《愛回家之開心速遞》劇照、TVB《BB來了》劇照、tvN《再見媽媽又再見》劇照