旅遊KOL莎朗被HK Express取消航班 力數改機票3大問題
莎朗表示自己在日本甫開關時已預訂了HK Express來往香港與福岡的來回機票，打算與老公度蜜月兼慶祝生日，「準備咗好多嘢，唔係話取消就取消，好多都full pay同拎咗最大discount」。不料日前HK Express所公布的取消航班名單上有他們所乘搭的航班，行程被打亂的她只好聯絡航空公司更改機票。但在處理時卻發現了3大問題，令她大為火滾！
1. 多個途徑聯絡都無人回覆
所有受影響旅客要更改航班 / 申請退款的話，可以經電話、WhatsApp、 WeChat、Email、Facebook及Instagram等各個方式聯絡HK Express處理，更改機票亦可上官方網站填form更改。但莎朗就怒斥到：
WhatsApp唔應，WeChat唔應，填form又冇反應，email又唔覆
有follower好好咁DM咗我話Facebook佢地會改到，但Facebook又好IG又好，定就算我今朝8點去打俾CS都好，都係【完全搵唔到人】
2. 改機票系統極廢
是次改機票是可經官方網站填form更改，不少人都跟隨官網指示處理，但她就指出：「網上改機票系統原來係一張form咁樣，根本係冇得俾你揀，冇得自助進行，所有都要經佢哋，亂上加亂，慢上加慢。」更有其他同受影響的乘客亦炮轟到官網上的改機票form根本無法提交，變相求助無門。
3. 機位疑似作假
第三，她提到有同受影響的乘客指出官網上明明顯示航班仍然未客滿，但到改機票時卻顯示「本航班已客滿」，疑似作假以強逼乘客選擇其他航班。
早買機票反被取消：點解其他航空公司冇佢咁麻煩？
她續指因為HK Express取消機票，自己被逼買了新機票，「請多一日假、住多一日酒店、仲要俾多千幾蚊機票差額（當refund咗都仲要俾咁多），仲要係早機返」。因為她是於去年9月購買該班機票的乘客，當時日本仍未宣布限制航班數量，而朋友則是在最近才購買加班機機票，卻沒有被取消，「究竟佢取消係用乜嘢準則去取消，點解其他航空公司冇佢咁麻煩？」作為乘搭超過20次HK Express航班的乘客，她明言：
如果同樣航點有其他航空公司揀，我一定唔會再揀呢間airline。真係多謝HK Express未出發之前俾咗一個難忘體驗我哋。
網民指HK Express出名愛cut機＋有業內人工爆料
莎朗的經歷引來不少網民的迴響，紛紛表示HK Express由疫情前起就出名愛突然cut機，殺你一個措手不及：「HK Express 呢間航空公司，係我接觸過，最差嘅一間。CS電話，一打就cut線，WhatsApp只用AI回覆，九唔搭八，問乜都冇用，FB情況一樣」、「我填左form收到auto reply，話如果你3日內飛，我哋會好快聯絡你㗎啦，如果你有排都未飛，就等吓啦，最X街係佢宣佈個日有好多人用WhatsApp搵佢，佢就即刻幫人改喎，咁即係當啲乖乖地等佢哋通知嘅人係傻仔呀？」
有航空業內工作的網民爆料，分享HK Express內部其實存有極大問題：「申報我自己係業內人士 ，UO 依間公司由上至下，都對航空業都無一個正常知識，同時佢亦唔覺得自己係一間廉航，每一個要求都唔係廉航嘅要求，比一啲大航空公司更加多無理要求。」
