HK Express突取消明年初已出售機票之航班
上星期五（10月7日）有旅客爆出香港快運（HK Express）突然取消明年1月15日後多班已出售機票的航班，令大批旅客受影響，更被發現已取消航班再次網上出售，有買了機票的旅客就不滿繼而投訴。HK Express的Facebook專頁被受影響旅客洗版式留言投訴，最後一日後於Facebook發出道歉聲明：
HK Express正就2023年之航班計畫作出檢視，讓乘客對其於2023年之航班安排獲得清晰的概況，因此對明年1月15日或之後的部份航班作出時間上的調配或取消。
我們正透過SMS短訊及 / 或電郵方式通知受影響航班之旅客，並向他們提供選擇方案，包括提供其他合適之航班而毋須額外繳付費用，或安排全額退款。
HK Express 就是次航班調整對旅客帶來影響，深表致歉。
HK Express高層：改動與政府放寬入境檢疫有關
HK Express高層則再次解釋。稱改動與政府放寬入境檢疫安排至「0+3」有關，強調受影響個案不太多，相信大部分本周會獲妥善處理。
香港快運航空行政總裁吳潔文受訪時稱：
我哋都見到市場反應都非常之熱烈，整體嘅市場同營運環境都比疫情前都有一啲改變。我哋依家其實已經聯絡緊受影響嘅旅客，為佢哋提供解決方案，當中包括相近合適嘅航班，唔需要收取額外費用。
旅客被改更平價航班 HK Express無補差價感不滿
但早前受訪、明年1月飛高雄的馬小姐表示，HK Express最新幫她更改的航班比原定航班遲2小時出發，不過新航班的票價比原定航班便宜，卻不獲補回差價，令她大感不滿：
約港幣$100左右，但我認為呢個係唔公平嘅問題，同埋銷售手法有問題。無理由當初我自己俾多咗錢，想買一個早啲出發嘅航班，然後用呢個價錢去一個平啲嘅航班。
海關及消委會接獲18宗投訴
海關及消委會至今分別接獲了4宗及14宗投訴。消委會表示可以理解航空公司會因為不同的因素而需要重新編排航班，不過事後的客戶服務就未必做得到位。
而消委會已要求航空公司做好售後服務。 消委會總幹事黃鳳嫺受訪時指出：
對消費者嚟講，當你賣呢張機票，就係一個確定的交易。若果因為（航空公司）營運上調動構成（旅客）不便，對消費者嚟講係好唔公平。係咪可以退款、可唔可以安排另一班機，換地點唔應該收附加費，同埋客戶服務溝通係咪清楚，消費者就算俾你改一次都好，都可以安心。
消委會又指市民買機票前應細閱條款，了解改期及退款等安排。
