第六屆國際發呆比賽 2018，將首度登陸香港！ 2 月開放予公眾報名，費用仲要係全免！自問鍾意放空、發白日夢同發呆嘅你，一定唔可以錯過今次機會！
text： CL photo： 新傳媒資料庫、facebook @發呆比賽香港站Space-out Competition HK
首度空降香港 推廣「發吽哣」精神
國際發呆比賽源自韓國，繼北京、荷蘭和台灣後，香港站將於 3 月 31 號在中環海濱摩天輪旁的 AIA Vitality Park 舉行！根據「發呆比賽香港站」facebook 專頁發帖指，因香港多次被選為最高壓力和不愉快城市，為了鼓勵一眾港人齊齊減壓，特意從韓國引入國際發呆比賽，推廣發呆和放空的重要性。
搶奪首個「香港發呆王」稱號
比賽規則十分簡單，參賽者必須在90分鐘內徹底放空並穩定維持放空狀態，參賽期間不可笑、聊天甚至睡覺，每15分鐘就有專人量度參賽者的心跳脈搏，一分神一笑就會被淘汰！
最後由現場觀眾投票及心跳穩定等因素決定勝負，搶奪「香港發呆王」稱號。專頁表示參賽名額只有80人，將於2月開放予公眾報名，報名費全免。
「 發呆 比賽」南韓實況
2017 年 4 月底，南韓在首爾漢江公園舉辦了第五屆國際發呆比賽，最後由「睡衣三人組」獲得冠軍！
主辦單位亦會帶來連串精彩表演及活動，為香港打造一個繁忙都市人必到的大型「發吽哣」party！香港人出名壓力大，今次終於有機會徹底發呆、放空relax下！
