01 | 嬰兒床
個人覺得嬰兒床真的很重要！因為佢可以令BB有床仔、瞓得舒適之外，更重要係父母可以有返少少空間，唔使全程飛機都要抱著BB。留意返，嬰兒床大細有限，所以只能夠提供俾2歲以下或體重15kg以下的小孩。
02 | 嬰兒用品套裝
航空公司會免費為機上嬰兒提供日常用品，通常包括尿片、嬰兒換片潤膚膏、膠手套等等。
03 | 嬰兒食品
即係一般細細樽嘅baby food，但留意返，嬰兒食品口味均不能選擇，通常為雞肉味、蘋果味。建議如果BB屬於偏食或大食型就要自備多啲嬰兒食品喇～
注意：嬰兒食品需要預訂，否則不能確保有供應。
04 | 兒童餐
航空公司同麥當當一樣有兒童餐供應? 兒童餐外貌比一般飛機餐吸引，除咗會有彩色繽紛嘅餐具之外，仲特別多零食！仲會因應唔同港口提供不同食材！小朋友望見一定會開心！（其實大人見到都會想食囉?） 如果想睇詳細資料可參考我另一篇文章：空姐私心教路 | 如何預訂 特別餐 ?
05 | 兒童娛樂系統
今時今日航空公司嘅電視娛樂系統已經非常新穎架喇? 如果你有乘坐國泰航空，你會發現機上定時已經係touch screen架喇～ 仲會有好多好新嘅影片添！相信小朋友一定會自己篤篤篤? 鐘意嘅話仲可以同小朋友玩對打遊戲～ 擔心嘅家長仲可以啟動「兒動鎖」，咁就可以放心比小朋友任玩，因為「兒童鎖」啟動後小朋友只能夠接觸倒兒童適宜嘅影片？
06 | 兒童耳機
要小朋友乖乖自己睇電影、玩遊戲，梗係要有個啱佢地size嘅耳機啦！一般大人用嘅對小朋友嚟講太大喇，問空服員攞返個小耳機啦?
07 | 兒童禮品包
航空公司嘅禮物包向來受家長同小朋友歡迎，如果時間許可，空服員都會喺飛機還未起飛時侯為各位小朋友送上，等小朋友將注意力放喺小玩具上面? 禮物包裡面有精品玩具、文具、 精緻小玩意、填色畫冊等。不過提提大家，ultra short flight 例如香港往返台北、台中、台南、曼谷等係暫時無禮物包供應的。
08 | 兒童專用安全帶
根據安全規定，所有2歲以下或體重15kg以下嘅小朋友都必須於飛機安全帶燈號亮著時候扣上兒童安全帶，並由成年人抱住，不過有好多時候父母都會因為小朋友唔鐘意或瞓咗覺而拒絕使用? 其實呢項規定完全係為咗小朋友安全著想，希望各位家長多多注意同合作喇～ 安全第一砵砵命長久～✈??
留意返喇，不同航空公司政策、服務可能會稍有不同，以上資料都係參考自國泰航空公司的，希望會幫到大家喔～
FB 兼職空姐姥姥
IG christyylolo
下一頁：旅遊教室｜女生行李必備的 6 件法寶｜Skyscanner
