雖然近年不少人都喜歡獨遊，一個人旅行話走就走，非常瀟灑，但依然有不少人喜歡約齊三五好友一齊出發，享受幾日的相聚時光。
但在香港要約出來食餐飯都不是易事，更遑論是外遊呢？作為旅行搞手，通常都會經歷以下三個階段，若然撐得過去，就有機會可以出發，去一趟精彩愉快的旅行了。
做搞手真係好難 特別係旅行搞手！
階段一：熱烈回應
最初相約旅行時，個個都總是二話不說地答應，左一句「I’m ready」，右一句「隨時行得」，就像世上再沒有其他障礙可以阻擋他們一起旅行一樣。不斷拋出自己幾月可以請假、想去哪個國家完成心中的bucket list、哪裡的風景最美食物最高質，氣氛熱烈得令人以為下星期就可以成功出發了。
但世事豈能盡如人意？特別到了訂機票的關頭，便會人人都有「意外」。
階段二：各種藉口
「哎吔！原來我同team同事都請假，所以我嚟唔到喇！」
「我啱啱同女朋友去完日本，冇晒錢喇！下次再join。」
「唔記得咗約咗中同旅行撞咗日子，嚟唔到了。」
「諗住轉工，到時應該未過試用期，請唔到假呀！」
「乜原來我哋約咗10月咩？我以為12月。」
當初約旅行時，個個都誓神劈願般，指自己一定得閒，這次絕對可以成行，但到最後要買機票，又突然縮沙。會應機答你要缺席的已經算好，最討厭的是那種模稜兩可甚至消失得無影無蹤的飛機王。
階段三：接受現實
經歷一輪拉鋸後，由浩浩蕩蕩的十多人，變到只剩下小貓三四隻，但你已經再沒心機逐個朋友再confirm他們會否一起旅行，無論幾多人都想成行，只想快手買機票，定好確實日子，不再拖拖拉拉，甚至有想過不如一人出發算了。
到底成功約一次旅行，要花多少心力？這是只有最上心的那位搞手才會理解。所以請大家好好珍惜那位願意一而再、再而三約你的朋友，因為每個人每日都只有24小時，他願意花時間心力在你身上，證明他很珍惜你這位朋友。
Tags :
旅遊態度
