東急手創館新宿店為慶祝開業20周年，舉辦了第一彈活動，就係聚集 7 隻貓貓採購員在各樓層迎接大家！是次活動名為「東急nyanzu」，舉辦期為3月15日至4月10日，到時新宿店每一層都會售賣唔同貓咪產品，而且各層都有唔同嘅主題，總有一層啱你心水，所以各位貓奴去東京就一定要去行返轉，唔好走寶！即刻同你睇吓每層有咩特色！

2樓/ FELISSIMO貓部 愛貓一族大集合！

「FELISSIMO貓部」目的是創造一個人與貓能夠幸福和諧共處的社會，新宿的分店是期間限定！店內不僅售賣可愛的貓貓雜貨，而且有貓貓形狀綿花糖，得意到不忍心放入口！值得留意的是，商品收入的1%會撥入「Felissimo貓基金」以支援各種愛貓活動，咁有意義當然要支持！

3樓/ 喵喵雜貨店

這層有女性見到一定買到唔停手的手工製飾物等貓貓雜貨，3月20日更有人氣動物雜貨工作室「Jam and Pains」作品登場，全部都係數量有限的，想買就要密切留意喇！

4樓/ nyanzu咖啡廳

這裏有貓貓餐具大集合！另外，具話題性的長崎名物「にゃがさきねこ」（長崎喵）首次在關東登陸，大家一定要把握機會，因為平時這裡是不能買到長崎店發售的商品的！

下一頁：仲有好多貓貓產品   DIY都得！

5樓/ 貓貓室內裝飾

這層主要有跟貓咪有關的室內裝飾及用品，例如清潔用品、空氣清新用品及「貓樣」裝飾物，等你可以佈置到成屋都係貓貓！

6樓/ 貓貓隱匿工房

由3月19日開始，6樓猫の隠れ家工房會不定期舉行貓貓工作坊，手鏈、樹脂粘土、掛飾，乜都有得整！有興趣可以上新宿店網站預約。 

7樓/ nyanko創造者世界

這層會售賣一些大家在 6F 猫の隠れ家工房工作坊創作的製成品，也有不少只在新宿店發售的獨家商品。

8樓/ 精緻貓貓精品

想買貓貓文具，8樓一定可以滿足你！在一堆精品中，最矚目的一定是貓貓圖章，除了可以購買，3月20日更邀請到人氣象皮圖章製作人「猫科判子」舉行象皮圖章工坊，對圖章製作有興趣的一定不可錯過！

圖片及資料來源：Tokyu Hands、http://nyaitou.blog76.fc2.com/

延伸閱讀：
東京迪士尼海洋｜15週年慶限定商品
日本掃水貨電器 | 7大買家電QnA + 慳錢貼士
日本東京 | 蜷川實花設計！椿花入侵古老錢湯

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去東京有什麼好去處及景點推介？

未諗好去邊好，可以看留意東京自由行最新行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。