早兩星期 facebook 瘋傳一張日本男子與胡迪玩「face-off」的相，大家有冇印象呢？如果係迪士尼迷的話，一睇就知，背景其實係東京迪士尼海洋入面「Toy Story Mania」的入口！東京迪士尼剛剛推出了一系列「園內限定發售」的電動小火車，其中一款就係以此作主題！

惡搞人氣打卡位 大臉胡迪再受關注

位於東京迪士尼海洋的「Toy Story Mania」早在2012年已開幕，與香港的「反斗奇兵大本營」不同，玩具屋的設計就是以「口張開」的胡迪作為入口，12米高的大臉孔向來是打卡位，最近還有日本網民出動「換臉app」設計出拍攝新花樣，令到這地標再受關注。

8字軌道 東京迪士尼海洋限定

說回今年登場的「胡迪玩具過山車」，設計正正以擘大口的Woody作概念，胡迪扮「山窿」，小火車會瓹過佢個口，再沿8字形路軌走，好得意。

砌好咗嘅小火車連路軌全長99.5公分、闊30.5公分、高26.5公分，矮過爆谷桶少少，暫時都係喺東京迪士尼兩個園區入面限定發售，fans去開玩當然要買。暫時未有計劃去呢，就可以上日本Amazon買，原價係6,800yen，Amazon就貴少少，最平都要8,200yen！

去片（玩具頻道Naozooh授權轉載）：

同期發售，仲有彈弓狗

至於另一款加入《Toy Story》元素的，還有彈弓狗做主題的西部沿河鐵路（Western River Railroad）玩具列車プラレール（Plarail），軌道不會轉彎，也沒有高架橋，趣味比較低，人氣遠遠不及「擘大口胡迪」呢～！

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去東京有什麼好去處及景點推介？

未諗好去邊好，可以看留意東京自由行最新行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。