1.「世界終極過山車」喺咩位置？
「世界終極過山車」位於樂園正門不遠處，一入場直行無耐，見到「ドドンパ」橙色招牌就係啦！唔少人係樂園一開門就會衝去排隊。如果唔夠人衝，其實可以用fast pass ，下面有詳細介紹。
2.有咩驚喜位？
過山車一開波就會以噴射機發射嘅方式，以時速172公里高速起滑行。唔好以為只有 52 米最高點衝落個一下先最驚，其實第一個半圓大彎位已經令不少人後悔上車。大彎位嘅離心力好大、時速高，啲風大到你無法抬起頭。
3.有無高度同年齡限制？
有，只要高過130cm，年齡介乎10歲至60歲就可以玩喇～
4.玩完嘅朋友有咩感覺？到底有幾好玩？
成個過程得分半鐘，真係快到你估唔到！第一個大彎位，架過山車接近90度傾側，我差啲以為會被拋出車、跌落街，超恐怖！當上到最高點，有一種被拋出外太空嘅感覺，不過轉過頭，已經被地心吸力吸返落嚟，好似跳樓咁衝落去，直上直落，好得人驚！成程都因為速度太快而無法抬過個頭，以為可以好好欣賞富山士風景，點知都睇得唔太清楚。雖然好玩，但全程得分半鐘，我覺得好唔夠喉！
5. 有無fast pass 買？
富士急有一種叫「絕叫優先券」嘅fast pass ，每張1,000円，每人限買6張。更係每日限量發售，唔想畀人買晒，建議一入場就衝去迴轉木馬旁嘅售票處購買。有咗呢個fast pass 就唔洗排隊，不過變相畀多啲錢。以「世界終極過山車」為例，1,000円門票加1,000円fast pass，足足要畀貴成倍價錢先玩到，值唔值就自己衡量喇！
6.玩到最尾，見到部相機同富士山，係咪提醒我夠鐘自拍呀？
唔係唔係，係遊戲場set 咗知相機，大家可以快手執吓個貓樣，準備勝利笑容影相。玩完之後，可以用500円買返自己張相，計返港紙大約三十幾蚊，平過香港啲主題樂園多多聲，抵買！
最後睇埋片，睇吓有日本人點玩到眼都突埋！
下一頁：東京富士急 | 360°向後行4D 過山車 | 試玩報告
相關文章
東京富士急樂園 4大必玩過山車！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
去東京有什麼好去處及景點推介？
未諗好去邊好，可以看留意東京自由行最新行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。
