【東京免費的士】雖然日本鐵路覆蓋完善，但係非常複雜！而且延誤情況都幾頻繁，趕行程嘅話，免不了要搭的士去目的地。東京的士嘅起錶價都唔平㗎，每次跳錶都會心痛到心跳漏拍！但12月去東京嘅話，就可以狂搭喇！事關東京將會有0円免費的士推出！
撰文：C｜圖片：DeNA、どん兵衛
東京免費的士
由日本公司DeNA推出嘅的士配對app「MOV」開始運作，乘客不需付費嘅「0円的士」亦開始行駛！
運行期間為2018年12月5日1:00pm至12月31日10:00pm為止。每日7:00am至10:00pm會有限定50架的士運行，在東京都內嘅涉谷區、新宿區、港區、中央區、千代田區附近，可透過專用手機app同免費的士進行配對，只要行駛範圍為東京都內23區之內，就全程車費都唔使畀，免費載你到目的地！
第一彈免費的士sponsor：どん兵衛
「0円的士」當然係有sponsor先可以實現啦！第一彈就係大家都一定識嘅日清杯麵「どん兵衛」。經由「MOV」的士配對app運行嘅sponsor的士，車身外觀及車內設計都會用上sponsor公司嘅自家商品，從而造到宣傳效果。
運行期間中，除咗可以免費乘搭「どん兵衛的士」，於12月26日至12月31日期間乘搭嘅話，更可獲得「日清どん兵衛 天婦羅蕎麥麵」一個！
「Project MOV」
DeNA公司預計於2019年2月起，於的士前座後背裝上Tablet，提供適合嘅廣告內容予乘客。將來更預定會增設QR code付款系統及活用AI。
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
去東京有什麼好去處及景點推介？
未諗好去邊好，可以看留意東京自由行最新行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。
