東京炸豬排｜要數東京最邪惡的美食，惡名昭彰的炸豬扒絕對名列前茅！近日東京人氣炸豬扒名店「成蔵」傳出不再準許外國遊客的惡耗，雖然店家稱「No Show、遲到」情況惡化先會用此辣招，不過大家都可以袋定呢間人氣度、美味度同樣位列東京頂級的炸豬扒名店，靠住一碗極厚炸豬扒已成為現在東京最難搵位嘅食店之一！

東京炸豬排 美食推介 炸豬扒 特上炸豬扒飯 ￥2,400
特上炸豬扒飯 ￥2,400（圖片來源：日本見）

東京炸豬排｜力撼日本一最厚炸豬扒

位於庶民下町江東區的「東京とんかつ 丸七 深川不動店」，以超厚炸豬飯外賣而爆紅，被一眾日本IG界網紅稱為「爆蓋炸豬飯」！在同區內開設了一間外賣店及食堂，別無分店， 每日都可以在店外看到排隊人潮，就連當紅組合成員King&Prince的岸優太等都有在電視介紹過，紅到不得了！

東京炸豬排 美食推介 炸豬扒 邪惡嘅炸豬扒汁鹹香惹味，仲可以因個人口味而加鹽、七味粉及黃芥末等調味料。
邪惡嘅炸豬扒汁鹹香惹味，仲可以因個人口味而加鹽、七味粉及黃芥末等調味料。（圖片來源：日本見）

日本一2吋厚炸豬扒卡路里爆標

要成就出呢碗「日本一」嘅爆蓋炸豬扒飯，功夫好多，呢度只會用日本國產豚肉，先將肥瘦相間的肉低溫處理過，師傅會將呢件成本書咁厚嘅豬扒，以豬油混合沙律油兩重慢炸約6分鐘，等佢係炸得剛剛熟，中間仲係帶點粉紅色嘅，入口勁juicy！

餐牌好簡單，全家店得炸豬扒飯一樣嘢食，只係會劃分了並（￥1,300）、上（￥1,800)及特上(￥2,400) 3個級數，上級為300克豬柳，特上則是300克油脂香濃的豬肩位置。想打卡的話，建議點上級或特上級，仲可以加埋豬油炒滑蛋托底，卡路里爆標都要食！

東京とんかつ 丸七 深川不動店

  • 地址：東京都江東区富岡1-14-14
  • 電話：03-5621-9966
  • 營業時間：11am – 5pm，周三休
  • 交通：地鐵「門前仲町駅」出口徒步3分
  • IG：@07fukagawa

東京炸豬排 日本見最新遊日指南《miru001東京見》。
日本見最新遊日指南《miru001東京見》。（圖片來源：日本見）

日本見 JapanMiru

集結數位喜愛日本、愛好旅遊的傳媒人所創立，憑著幾百次的遊日旅程，將日本的所見所聞跟同樣最愛日本的港人分享！不定期推出遊日指南《miru》，最新推出遊日指南《miru001東京見》。

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去東京有什麼好去處及景點推介？

未諗好去邊好，可以看留意東京自由行最新行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。

撰文：日本見圖片來源：日本見