東京表參道美食甜品｜GARIGUETTE大熱12cm拿破崙酥餅超IGable

東京美食

（圖片來源：）

日本見 JapanMiru Sep 9 2023

GOtrip首頁旅遊日本東京

廣告

東京表參道｜在東京食甜品，只係怕自己食唔落，而唔驚搵唔到好食的甜品！近日東京IG甜點界的風頭躉，就係呢間藏在表參道嘅GARIGUETTE，有別於一般的長方形千層酥，呢間店將千層酥設計成圓形，中間挖空畀大家睇到入面的內餡，完全係為打卡而設計，手殘都影到美照，難怪日本女生都要爭住去打卡！

東京美食千層酥美食推介東京美食 Half-Half mille-presse吉士忌廉加士多啤梨+蜜糖檸檬忌廉）mille-presse ¥1,350 — Half-Half mille-presse（吉士忌廉加士多啤梨+蜜糖檸檬忌廉）mille-presse ¥1,350（圖片來源：日本見）

呢間店响2021年11月在表參道首登場，假日閒閒地要排足1-2小時先買到，大受歡迎到啱啱响3月剛剛在大阪Grand Front 開咗2號店！呢間店系出名門，同社嘅「和栗専門紗織」就係引爆日本1mm栗子山旋風始作俑者！

吉士忌廉每日早上先做，確保新鮮。（圖片來源：PR TIMES）

圓形千層酥挖空一個小「天窗」畀大家睇到入面的內餡。（圖片來源：PR TIMES）

整體口感似拿破崙酥餅。（圖片來源：PR TIMES）

呢塊話題性的法式千層酥餅，直徑長12cm的薄餅，用嘅係特別訂做的熱壓機及高溫焗爐即場製作烘得香脆焦糖酥餅（mille presse），夾著由北海道產的牛奶、忌廉及國產雞蛋製作的吉士忌廉，定番嘅士多啤梨吉士口味外，還不時有期間限定口味，貪心鬼可點選「HALF-HALF」一次享受到兩種口味（限甜配甜、鹹配鹹）！

即叫即做，可以自選兩款不同的口味。（圖片來源：日本見）

火腿芝士 mille-presse ¥1,110 （圖片來源：PR TIMES）

特別訂做的熱壓機及高溫焗爐即場製作。（圖片來源：PR TIMES）

香脆焦糖酥餅直徑長12cm，細食嘅女生未必能吃完一個。（圖片來源：PR TIMES）

GARIGUETTE 東京

地址：東京都港区北青山3-7-2 FPG links OMOTESANDO2 1F
營業時間：11am – 7pm
交通：地鐵表參道站步行2分鐘
網址：www.instagram.com/mille_feuille.gariguette

GARIGUETTE 大阪

地址：大阪府大阪市北区大深町4-1 うめきた広場1F（グランフロント大阪）
營業時間：11am – 7pm
交通：JR大阪站步行1分鐘、地鐵梅田站步行4分鐘

GARIGUETTE（圖片來源：日本見）

周末經常出現人龍，最少等候一小時，建議最好平日去。（圖片來源： PR TIMES）

店內座位不少，平日早上人流不多，唔想排隊就要把握機會。（圖片來源：日本見）

東京美食千層酥美食推介東京美食遊日指南《miru001東京見》 — 遊日指南《miru001東京見》（圖片來源：日本見）

日本見 JapanMiru

集結數位喜愛日本、愛好旅遊的傳媒人所創立，憑著幾百次的遊日旅程，將日本的所見所聞跟同樣最愛日本的港人分享！不定期推出遊日指南《miru》，最新推出遊日指南《miru001東京見》。

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去東京有什麼好去處及景點推介？

未諗好去邊好，可以看留意東京自由行最新大行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。

Tags : 日本東京日本美食千層酥

撰文：日本見圖片來源：日本見、PR TIMES