撰文：CR｜圖片：hottoys、東急電鐵
原宿「魔法世界市場」有咩睇？
1｜重現魔法動物世界
店舖內將展出為本次活動特意製作嘅魔法動物大型模型，入場人士可以同喺電影登過場嘅魔法動物合照！
2｜電影服裝展
喺電影《怪獸與葛林戴華德之罪》中實際使用過嘅7套服裝，會於本次活動中限定展出！係可以近距離觀賞嘅絕好機會！
將展出的角色服裝：Newt Scamander、Credence Barebone、Jacob Kowalski、Queenie Goldstein、Leta Lestrange、Maledictus、Gellert Grindelwald。
3｜關連商品
電影相關產品多達500款以上！既有受歡迎嘅衣物手袋款，更有成間霍格華茲魔法學校校舍模型！哈利迷萬勿錯過！
除此之外，更加會有限定商品、店舖預約商品發售！每種類一人限購一件，需要預約商品嘅話，便要當場預先付全額，正式發售時，會以郵寄方式送出商品（免郵費，但須注意商品只能郵送至日本國內）！
詳細資料：
活動名稱：Wizarding World Market
活動地址：東京都渋谷区神宮前3-30-12 Gビル1/F（ホットトイズ東京フラッグシップ・ストア
「トイサピエンス」）
舉行日期：2018年11月17日至12月16日（11月16日為VIP招待入場日＆預約入場日）
營業時間：11:00am-7:00pm（最後入場時間為6:30pm）
入場費：全免
網址：hottoys-store.jp/wizarding
去埋涉谷9又3/4號月台打卡！
東急電鐵宣布同《怪獸與葛林戴華德之罪》合作，由2018年11月10日至2019年1月27日期間推出限定活動！於涉谷站、大井町站、日吉站、橫濱站、109 cinemas二子玉川，一共5個地方設置印章，儲齊印章有機會獲贈禮物（Bonus stamp設於109 cinemas港北、電車與巴士博物館）！
除此之外，「PickUp ranking-ranqueen 涉谷ちかみち」（涉谷站內）將設置「9又3/4號」月台打卡位！大井町站、二子玉川站呢2個站更會將車站音樂換成《哈利波特》電影配樂！咁啱會去東京嘅哈利迷記得去打卡喇！
詳細資料：
活動名稱：東急線 x Fantastic Beast Campaign
舉行日期：
（紀念印章收集）第一階段《Fantastic Beast》主題：2018年11月10日至12月21日；
第二階段《哈利波特》主題：2018年12月22日至2019年1月27日
印章設置場地：涉谷站、大井町站、日吉站、橫濱站、109 cinemas二子玉川
Bonus印章設置場地：109 cinemas港北、電車與巴士博物館
（9又3/4號月台打卡位）2018年11月16日至11月29日
場地：PickUp ranking-ranqueen 涉谷ちかみち（涉谷站內）
（原創一日乘車票）2018年11月23日發售
發售車站：涉谷站、大井町站、日吉站、橫濱站、二子玉川站
（車站電影音樂配置）2018年11月23日至2019年1月27日
實施車站：大井町站、二子玉川站
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
去東京有什麼好去處及景點推介？
未諗好去邊好，可以看留意東京自由行最新大行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。
