iPhone近日更新了自家地圖Apple Maps功能，全台灣的實時公共交通資料都加入了iPhone及Apple Watch內置的Maps app，結合埋Siri功能，外遊搵路、預計到埗時間更加方便。
香港的iPhone用家可能較少用手機內置的地圖Maps功能，不過經過多年改進，結合實時開放數據，識得用其實好好用。根據資料，Apple Maps在超過40個大城市均加載了公共交通的資料，清楚顯示地鐵路線、車站出口、巴士站等訊息。
剛更新的Apple Maps，加入了全台灣的多條鐵路資料，包括高鐵、台鐵、台北捷運、桃園捷運及高雄捷運，而且結合實時資料，除了容易找到交通路線，亦可以掌握交通時間。
使用路線搜尋功能時，地圖可顯示完整路線建議，包括如何轉車、步行線路，更可啟動導航功能，由出發地帶你到達。
實測一下，打開西門站的地圖，除了顯示所有途經捷運線，出口分布亦有顯示，地面的巴士路線亦非常清晰（雖然在台北甚少坐公巴）！
再試搵由北投往桃園機場的交通，要如何轉車、交通時間也預計好，路盲都唔怕啦！
其實呢個公共交通功能在日本、新加坡及多個歐美城市早已上線，只係香港仲未有，既然林鄭想推智能城市，識做啦！
