上次我去台灣出trip，由 桃園機場 飛返香港一程坐商務客位，check-in後就有機會去下 國泰的貴賓室hea下。國泰貴賓室於上年年尾才裝修過，是 桃園機場 內最大面積的貴賓室， 之前已聽聞又大又靚，終於一訪，更試了好評如潮的「招牌」牛肉麵！
梳化「瞓著度」99% 時尚木銅設計
國泰貴賓室於 桃園機場 第一航廈4樓，總面積過萬平方呎，可容納約250人。一行入去已呆了，「嘩好大啊」！我一丁友有感寂寞LOL，一直向內走，貴賓室大致分成5個sectors，用屏風分隔開，設計及家具各有不同，我大開眼界。整體空間感強，又用上大地色系，原木、銅器，感覺和暖又不失格調。椅几、茶几、閱讀燈亦很有屋企feel，我坐下之後立即set手機鬧鐘，怕瞓著會miss了班機！
呢碗牛肉麵係今次trip食過最正嘅！
菜單有台式地道食品，有指是用燉煮6小時以上的牛腱肉，我當然要試下。先喝一口湯，一點都不油膩，更有回甘，牛肉則有點過軟，而麵十分彈牙，救番不少分數。因為個湯，我吃了2碗！！可以說是今個trip吃過最正的牛肉麵。另外亦有粵式點心吃，我決定吃燒賣，以小蒸籠形式上菜，仲冒緊煙呢！
