1) 巨人重口味虛擬獵殺！
60米高進擊的巨人跟足原著製作，舊年去完東京巡遊再踩入台北，憑嘔心鼻毛紅遍兩地，連電影版主角三浦春馬都專程到開幕禮撐場。睇完巨人未夠喉，可睇埋360°立體劇場「哮」，戴上頭戴式營幕進入虛擬動畫中，實地參與獵殺巨人攻防戰！
聽聞劇場體驗超刺激，巨人會在你頭殼頂上跨過，仲會試圖食咗你！
進擊之巨人展
【日期】即日起至2/29
【地點】松山文創園區1號倉庫
【時間】10am – 6pm
【交通】乘捷運於國父紀念站下車
2) 集齊蛋黃哥食玩買！
人氣急升嘅蛋黃哥殺入台灣開蛋黃展，據說打卡位超多，包括黃金蛋黃大帝、蛋黃夜市和細路至愛小滑梯，仲捕獲到蛋黃哥在展區入無牌行醫！影完一輪肚餓，可到小食檔買雞蛋糕食，將蛋黃哥生吞活剥！臨走記得買蛋黃酥做手信呀！
蛋黃哥造型雞蛋糕，得意到唔捨得食！
蛋黃哥懶得展
【日期】即日起至3/6
【地點】國立台灣科學教育館
【時間】9am – 5pm
【交通】乘捷運於士林站下車
3) 化身柯南做食腦解謎王！
柯南展最特別係設有「解謎區」，入場後會收到一本偵探手冊，要你拆解兇殺懸案，成功破案才准進入手稿區睇柯南原稿。謎題由經營密室逃脫的「笨蛋工作室」設計，聽聞難度頗高，最少花1小時才可解開。真相只有一個，自問聰明絕頂的你可嘗試挑戰！
將兇殺案現場「毛利偵探事務所」逼真重現，連血跡都有！
名偵探柯南20周年展
【日期】即日起至3/13
【地點】華山1914文創園區東二館
【時間】10am – 6pm
【交通】乘捷運於忠孝新生站下車
下一頁唔止鬆弛熊同海賊王，就連FROZEN都吹到埋嚟啦！
4) 少女心爆發！鬆弛熊粉必去！
唔講唔知，原來鬆弛熊出過72個主題造型，今次展出其中19個，多數係鬆弛熊狂食甜品如pancake和朱古力，令（港）女粉絲們好想食埋一份。場內還有一本鬆弛熊電子書，用手掃營幕即可睇晒熊熊繪本，又幾高科技！
草莓造型小白熊蛋糕，好卡娃依呀！
鬆弛熊甜蜜時光展
【日期】即日起至3/20
【地點】松山文創園區5號倉庫
【時間】10am – 6pm
【交通】乘捷運於國父紀念站下車
5) 海賊團集合！千陽號起航！
海賊王15歲生日啦！今次周年展有4個展區，全是影相打卡位，必影位包括巨型千陽號、1比1海賊團模型和「新世界」冒險場景！好興奮？證明你係超級海賊粉絲，咁記得玩埋問答遊戲喇！不過據講答中無獎。
新世界冒險場景中的《魚人島》。
海賊王15周年展
【日期】即日起至3/29
【地點】松山文創園區4號倉庫
【時間】10am – 6pm
【交通】乘捷運於國父紀念站下車
6) FROZEN嘅-8°C激凍體驗！
風靡萬千細路的Frozen仍未有續集，想止癮可先到中正紀念堂睇展覽先！展區設計抄足冰雪王國，設有零下8°C低溫區，去到可玩巨型冰滑梯兼堆雪人！聽聞冰區真心凍，去玩記得著多件衫！
零下8°C雪地，著定厚褸玩冰沙啦！
冰雪奇緣 冰紛特展
【日期】即日起至4/10
【地點】中正紀念堂民主大道
【時間】10am – 6pm
【交通】乘捷運於中正紀念堂站下車
下頁仲有追加！小丸子同海綿寶寶直落玩到高雄！
追加！玩到南部！
行完台北，南下高雄仲有小丸子同海綿寶寶等緊你！兩個展覽都在駁二藝術特區舉辦，小丸子25周年展曾於去年暑假在台北舉辦，第二站移師高雄，上次無睇就記得去喇！隔壁還有海綿寶寶展覽，展區設計抄足動畫場景，在水底世界中可搵到海綿寶寶、章魚哥和蟹老闆等8位主角，一家大細必去！
櫻桃小丸子學園祭：25週年特展
以小丸子校園裡的年度盛典-學園祭為主題軸，等觀眾化身成小丸子劇中嘅一角，同小丸子一班同學仔一齊參與學園祭同夏日祭典，分享天真嘅白日夢與無關痛癢嘅煩惱。
【日期】即日起至4/5
【地點】高雄駁二藝術特區P2倉庫(臺灣高雄市鹽埕區大勇路1號)
【時間】每日10:00至18:00最後進場時間為17:30(除夕休館)
【交通】乘捷運於忠孝新生站1號出口步行約3分鐘
海綿寶寶：暢遊比奇堡特展
海綿寶寶其實擁有好多粉絲，今次帶你進入海綿寶寶嘅世界。快帶著你嘅相機潛入深海、同海綿寶寶一齊暢遊比奇堡吧！
【日期】即日起至3/27
【地點】高雄駁二藝術特區P3倉庫(臺灣高雄市鹽埕區大勇路1號)
【時間】每日10:00至18:00最後進場時間為17:30(除夕休館)
【交通】乘捷運於忠孝新生站1號出口步行約3分鐘
