韓國手信2023丨去韓國旅行，好多人都會行當地超市和便利店掃韓國必買手信！樂天超市、GS便利店的分店地點方便，貨品種類又多，可以搵齊各式最新的韓國零食！起行去韓國前，記得mark低以下9款人氣零食喇！
撰文：MY、Kassidy｜圖片來源：相關機構、新傳媒資料室、Ig@gssupermarket、Ig@7elevenkorea
韓國必買手信｜超市零食推介
韓國手信2023丨01. 芝士流心腸仔（15條裝） ₩6,500/約HK$45
芝士流心腸仔自推出以來，就紅遍韓國國內外，被遊客列入韓國必買手信！流心芝士的美味令人無法抗拒！超市出售的15條裝分量剛剛好，啱晒分畀親戚朋友啊！
韓國手信2023丨02. 厚切薯片 ₩1,200/約HK$9
這款厚切薯片早在網上大受旅遊bloggers歡迎，成為人氣韓國手信，有不少人一試其味道就即愛上，皆因每塊薯片至少有2mm厚，口感一流！
韓國手信2023丨03. 果仁紫菜片 ₩1,980/約HK$14
果仁紫菜片用牛油蜜糖烘烤，並非油炸，食落香口，派畀同事在辦公室一齊食都不錯！
韓國手信2023丨04. 糖漿麵包 ₩2,400/約HK$17
糖漿麵包是韓國人地道的零食，鬆軟的麵包包著香甜的糖漿，一口吃下去，除了補充糖分之外，更加倍感幸福啊！
韓國必買手信｜便利店零食推介
韓國手信2023丨05. 甜辣醬杯麵 ₩1,600/約HK$11
甜辣醬杯麵又甜又辣夠晒惹味，最啱返到香港淥個麵，重溫一下韓式辣味的過癮味道！
韓國手信2023丨06. 櫻花爆谷 ₩1,200/約HK$9
GS25 旗下的品牌推出了一款櫻花爆谷，雖然以前美國爆谷品牌 Garrett 跟日本牌子都有推出過，但韓國版本的價錢就親民得多！食落仲會有淡淡的士多啤梨味，想買另類手信或者喜歡甜爆谷的，一定不能錯過！
韓國手信2023丨07. 櫻花有汽水 ₩1,000/約HK$7
除了櫻花爆谷之外，櫻花系列的零食仲有好多！櫻花有汽水只是賣₩1,000一罐，約HK$7左右，十分抵買！粉紅色的有汽水十分夢幻，很適合送給閨密一起品嘗！
韓國手信2023丨08. 櫻花可口可樂 ₩2,500/約HK$17
可口可樂經常出產特別版，櫻花季節當然不少得櫻花可口可樂！可口可樂迷記得不要錯過喇！
韓國手信2023丨09. 櫻花朱古力粗百力滋 ₩1,500/約HK$10
櫻花朱古力百力滋肥嘟嘟的樣子十分可愛，可以多買幾包送給喜歡甜食的朋友！
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境韓國前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。