text： Kassidy （原文刊自919期《新假期周刊》）｜photo： 各間民宿提供
01｜獨立洗手間 最近地鐵
方便：★★★★★｜抵住：★★★☆☆ | 整潔：★★★★☆
整間民宿的設計走工業風style，保留建築材料最原始的味道。Baroato民宿的多人宿舍，每房最多只有兩個床位，男女生分開，每張床仲有獨立電視機，連接耳機睇電視就唔怕騷擾到同房。房中更設有獨立洗手間，無須與一大班人爭用。離地鐵出口只有2分鐘路程，1個人夜歸都不怕啦！
$205起 Hotel Baroato
地址：首爾市麻浦區東橋路212-22
電話：＋82-(0)2-3144-2122
房價：背包客2人房 ₩30,000/HK$205 （以民宿網站為準）
交通：地鐵2號線「弘大入口」3號出口，走約2分鐘
網址：www.baroato.com
02｜女生必住 簡約舒適
方便：★★★★☆｜抵住：★★★☆☆ | 整潔：★★★★★
簡約舒適的Moststay以米白色為主調設計，適合一眾文青女生！多人宿舍最多住6個人，只限女生入住，房間內已經有獨立廁所，去廁所或者沖涼都唔使走出走入，每間房都有電子密碼鎖，唔使怕有陌生人入房；民宿地下更加設有美甲、美睫工作室，朝早起身落樓下扮完靚先去玩啦！
$205起 Moststay
地址：首爾市麻浦區西橋洞446-26
電話：+82-(0)10-3634-0689
房價：背包客6人房 ₩30,000/HK$205 (平日) ₩35,000/HK$238 (周末或假日) (以民宿網站為準)
交通：地鐵2號線「弘大入口」1號出口，向望遠市場方向走約7分鐘
網址：www.most-stay.com
03｜韓飯首選 私隱度高
方便：★★★★★｜抵住：★★★★☆ | 整潔：★★★★☆
以K-pop為主題，周圍掛滿明星相，適合一眾到首爾追星的韓飯。Kpopstay位於弘大正門隔籬，無論係買定食都只係需要5分鐘！每間房都有種特定顏色作主調，而大部分房間都是多人宿舍，每張床都有拉簾、獨立插座，絕對夠私人空間；而且床位經過設計，床下全部都有放行李位置，夜晚瞓覺時，就唔怕行李被人靜靜雞攞走！
$170起 Kpopstay
地址：首爾市麻浦區倉前洞6-153
電話：+82-(0)10-9955-1969
房價：背包客10人房 ₩25,000/HK$170 (以民宿網站為準)
交通：地鐵2號線「弘大入口」9號出口，往弘益大學方向走約10分鐘
網址：kpopstay.com
04｜精心設計 廉價住宿
方便：★★★★★｜抵住：★★★★★| 整潔：★★★★☆
你以為100蚊可以住1晚已經好平？原來最平只需要89蚊就有1個床位！Hostel The Style走高CP值路線，民宿設計不俗。獨遊旅人總會想求安全，民宿亦提供低價位的單人房（實質上配備雙人床），單人房內更備有獨立浴室。離地鐵站只有3分鐘距離，絕對係最高CP值選擇！
$89起 Hostel The Style
地址：首爾市麻浦區東橋路217
電話：+82-(0)2-336-0159
房價：背包客8人房 HK$89，標準雙人房HK$220 (以Agoda價錢為準)
交通：地鐵2號線「弘大入口」3號出口，走約3分鐘
facebook：Hostel The Style
延伸閱讀：4大必備 自由行 韓國 apps ！搭車、地圖、翻譯2017最強整合
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境韓國前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。
