【#GOtrip快閃12點】Dream Fare延續！韓亞航空來回首爾$671起

【#GOtrip快閃12點】唔知係咪想幫韓國招多啲遊客，好多首爾機票都好鬼平！韓亞航空Dream Fare延續，來回首爾$671 （連稅$1,427）起！以前韓國滑雪季機票賣緊二千蚊以上，而家跌到平過坐廉航，仲要包23kg寄艙行李同飛機餐！不過最平價機票，航班時間限咗午機去早機返，但加多$200左右可以轉坐凌晨機去，早返或者午去晚返，好過要趕去機場！編輯好多年前都坐過一次，空少oppa真心得，而且服務超貼心。