【#GOtrip快閃12點】除咗好多本土酒店住宿優惠，連飲食都有優惠！好似榮獲米芝蓮兩星廚師楊建業師傅主理嘅龍逸軒，近日出咗brunch放題，最平時段每位$218起咋！主打一系列廣東點心，點心數目超過40款，仲有其他小食、飯麵同素食。不特止，仲有一個甜品吧任食朱古力噴泉、芒果糯米飯！不過現場直接去，要再加一同收$25茶錢，埋單大約每位$300左右。如果食之前兩日起，喺九龍酒店e-shop購買「龍逸軒任點任食點心Brunch」，就有8折再免收加一及茶芥。