撰文：CY｜圖片來源：百樂酒店
百樂酒店4大低成本Staycation 人均最平$344
香港百樂酒店推出4款Staycation住宿優惠，4大主題分別迎合朋友、閨密、情侶、家庭，最適合齊齊過番個休閒假期，定價由$688起，最遲入住日期至2021年5月31日。
1. 百樂酒店「食+住」優惠計劃（點擊進入預訂網站）
每房每晚只需$688起，就能夠入住高級客房，並回贈$600餐飲消費額。如果嫌計劃未夠吸引，亦可以另外加$208，歎埋雙人自助午餐、雙人早餐、mini-bar以及延遲退房時間至4:00pm；又或者再加$270，將雙人自助午餐升級為雙人自助晚餐，食番夠本。（圖片來源：百樂酒店）
2. 百樂酒店「閨密約會」優惠計劃（點擊進入預訂網站）
想要「閨密約會」，每房每晚只需$896起（周五、六$996起），就可以入住精心裝飾的客房，入面布置滿人氣熱氣球布景及多個打卡點，仲可以加$220將人氣熱氣球布景upgrade至人氣熱氣球裝置，最適合閨密入住瘋狂自拍。
另外，住宿計劃包「雲朵飄飄」下午茶或「Duck意童遊」下午茶，一樣咁適合打卡影相！
3. 百樂酒店「飲飽食醉悠哉」優惠計劃（點擊進入預訂網站）
想集吃喝玩樂於一身的住宿計劃，可以揀「飲飽食醉悠哉」優惠計劃，定價$698起（周五、六$798起，復活節入住附加費$50）便可入住豪華客房。入住期間可以免費任玩任天堂switch遊戲機，包健身環大冒險及兩款自選遊戲，仲有各式各樣桌上遊戲。
覺得肚餓仲有得歎滋味小食套餐，包括黃金脆炸雞、薯角、巴馬火腿薄餅、焦糖爆穀等多款美食，仲包啤酒和汽水，最適合一家大細或者朋友聚會入住！
4. 百樂酒店「浪漫情迷」住宿計劃（點擊進入預訂網站）
情侶想慶祝周年紀念？或者想為對方準備一場美好驚喜？「浪漫情迷」住宿計劃定價$1,336起（周六、日、公眾假期$1,436起），可以入住高級客房，房間內包甜蜜溫馨裝飾布置，另外，更包括雙人自助晚餐連氣泡酒一瓶、雙人精緻早餐，仲可以late checkout至4:00pm，夠晒浪漫夠晒chill！
