春天係戀愛嘅季節，想提早感受呢份甜蜜？一於趁國泰航空同新西蘭航空嘅限時優惠，孖住另一半飛去南半球嘅新西蘭旅遊啦！等我Travel佳為大家推介幾個必做嘅戶外活動，一齊走遍基督城呢個「花園城市」賞花，再深入洞穴睇螢火蟲吧！
體驗1： 皇后鎮追蹤三色南極光
要數到浪漫，又點少得極光？新西蘭嘅南極光可能更吸引！與北極光奇妙嘅綠色唔同，南極光有著不同嘅化學粒子與氮摩擦，產生紅色、紫色、藍色嘅極光，令星空更幻變！每年 3至 9月都係南半球秋冬季，因為夜長日短，絕對係觀賞極光最佳時機！嚟新西蘭旅遊，好多地方都可以睇到壯觀嘅極光，南島嘅但尼丁（Dunedin）、蒂卡波湖（Lake Tekapo）都係不錯地點，而我 Travel佳 就推介皇后鎮中嘅天際觀星(Skyline Stargazing)。由皇后鎮機場揸車 15 分鐘就到達！交通方便，亦因為位置高聳山之巔，很少光害，除咗南極光，大家肉眼就已經可以睇到漫天星空嘅美景。
體驗2： 捕捉花園城市的浪漫美景
如果錯過咗睇南極光最佳時光都唔緊要，因為新西蘭嘅花，一樣咁靚咁繽紛！唔講你可能唔知，基督城向有「花園城市」之稱，特別係春天，到處都有繁花盛放，基督城海德里公園喺9至10月就有長到一眼望不到盡頭嘅櫻花林。櫻花樹下同另一半拖住手行過呢條小徑，一定好浪漫、好夢幻！同樣，基督城植物園亦穩藏住一個140多年前嘅愛情故事，園中有成 250幾種嬌艷芬芳嘅玫瑰品種，每年9至11月，玫瑰、蘭花、山茶花、杜鵑花等等，都會盛開。試想像喺園內散步，被花包圍，一定好幸福！此外，11月至12月更係奧克蘭嘅魯冰花花期，蒂卡波湖湖邊一大片紫色嘅魯冰花海非常壯觀呢！
體驗3： 穿越夢幻螢火蟲洞穴
戀愛同冒險都係生命中唔可以缺少嘅部分！假如你哋係愛冒險嘅情侶，不妨到位於北島嘅懷托摩嚟個洞穴探險。由奧克蘭出發只需兩個多小時，沿途仲可以望到不同嘅景色。每年春天，仲有機會見到洞穴中好似星空一樣夢幻嘅螢火蟲添！坐喺漂流船漆黑一片，突然見到洞內由螢火蟲堆砌而成漫天星星嘅一刻，真係好感動！
$4,900起^機票優惠！直飛奧克蘭/基督城*
係咪已經睇到好想出發呢？依家就有機會畀你一次過遍遊新西蘭南北兩島！最近國泰航空聯同新西蘭航空推出直航往返奧克蘭/基督城機票優惠，即日至10月2日喺國泰航空或新西蘭航空官網訂機票只係$4,900起^，一次過玩轉新西蘭！出發日期由2018年10月6日 – 12月13日、2018年12月25日 – 12月31日、2019年2月10日 – 4月11日、2019年4月22日 – 6月30日。一齊來擁抱新西蘭嘅春夏浪漫吧！
*季節性航班服務適用於2018年11月30日–2019年2月27日
^條款及細則適用
訂票及查詢詳情，瀏覽 http://bit.ly/2M0KrUM 或 https://goo.gl/iG995n ，或致電國泰航空2747 3333、新西蘭航空2862 8988及聯絡各大旅行社。
