復活節Staycation｜城木酒店家庭住宿優惠人均$532起連三人早餐及港島郊遊導賞體驗

城木酒店（鴨脷洲）新鮮滾熱辣推出復活節Staycation家庭住宿優惠，人均$532起入住高級家庭客房，包專車接送前往香港仔郊野公園歎港島郊遊導賞體驗，仲可以升級參加浪遊漁港1773船遊漁港導賞團及參觀住家艇，細味香港漁村特色文化，夠晒充實！

撰文：CY｜圖片來源：城木酒店（鴨脷洲）

每逢長假期，就當然不可以錯過機會，帶家中細路一齊周圍放電享受天倫樂啦！

今次城木酒店（鴨脷洲）推出「『親子遠足生態活動 – 香港仔水塘深度自然遊』住宿體驗」，適用於4月2日至4日，以$1,598入住高級家庭客房。

房間可以容納2位成人及1位5至12歲小童，免費享用美式早餐之餘，更有專車接送前往香港仔郊野公園，齊齊參與由Nature Bathing導賞員帶領的香港仔水塘深度自然遊。

覺得小朋友仲未放夠電？亦可以選擇加$400，以$1,998升級參加浪遊漁港1773船遊漁港導賞團及參觀住家艇，可以在郊遊樂之餘，享受埋香港漁村文化，真係好充實！

復活節驚喜！酒店額外送禮

另外，在3月19日至4月6日期間，城木酒店（鴨脷洲）更於facebook及Instagram推出了「復活節尋蛋歷險樂」。只要正確回答地圖上的復活蛋總數，並簡單描述分享復活節難忘時刻，就有機會贏取免費酒店住宿或其他禮品。想免費歎Staycation的朋友，就千萬不要錯過喇！

酒店地址：香港南區鴨脷洲新市街29號（查看地圖）