香港離 石垣 島咁近，依家去都有好多唔同嘅方法，坐郵輪去係其中一個寫意方法。嚟到石垣，除咗要把握時間去石垣島玩水同睇未被污染嘅靚景，仲要把握時間食好嘢！以下精選4款美食，去開嘅記得一試啊！
限量石燒 石垣 牛
去 石垣 一定會試石垣牛，石垣牛之所以出名，因唔少牧場都有充足嘅地方畀牛隻活動，令牛隻更健康！而區內人氣平民居酒屋「石垣牛と海鮮の店てっぺん」，店內招牌牛肉三食分別為熔岩石海鹽燒牛肉、洋風牛他他、火炙手握壽司。一般嘅店家用炭燒，呢度用熱力較溫和均勻的石塊，將牛肋骨肉放上石頭上燒，油花十足，聽住滋滋聲真係好吸引，絕對係令人回味嘅味道啊！另可選石垣牛他他同火炙手握壽司，一樣咁好味～
芝士玉子燒
試完石垣牛，不妨點埋芝士玉子燒，鬆厚嘅玉子，內裡有香濃芝士，再沾上特別醬汁同吃，好滋味～
波子氣水味雪條梅酒
食飽食埋甜品~ 呢度有款波子氣水味雪條梅酒，透心涼得嚟又有啖啖梅味。
石垣牛と海鮮の店てっぺん
地址：沖繩縣石垣市石垣15-4 ワコーレKAMIJI 1/F
電話：+81-（0） 980-87- 0257
營業時間：3:00pm-12:00mn（星期三休息）
交通：從石垣碼頭步行約7分鐘
番石榴刨冰
捉住夏天尾巴，試埋個透心涼嘅番石榴刨冰，夠晒寫意。
宮良農園
地址：沖繩縣石垣市字新川1134
電話：+81-（0） 980-83- 4077
營業時間：11:00am-6:00pm（星期三休息）
交通：乘「東巴士」川平リゾート線至みね屋工房前站下車，步行5分鐘
網址：www.miyara-nouen.com
沖繩郵輪之旅
最近有package可以一次過遊沖繩石垣+台北，夠晒豐富呀！郵輪上又有好多活動，室外甲板上有游泳池、籃球場、緩跑徑及多款遊戲，鍾意室內又有健身室、桑拿房、卡拉OK等等；而夜晚嘅娛樂一樣咁豐富，有魔術表演、電影播放，由朝玩到晚都得。一於一家大細上船去勻沖繩台北玩，來個舒服嘅郵輪假期！
在半露天的奧姍娜燒烤餐廳吹住海風嘆晚餐，好寫意啊！
寶瓶星號的日光甲板有個觀景台，睇住海景同日落，好疏乎～
露台海景客房可以對住一望無際嘅海景，幾時都咁正！
夜晚有表演睇，日夜都咁精彩~
沖繩郵輪之旅
最新的日本入境及疫苗要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。而日本回港時，香港政府早前都發表了最新的香港入境檢疫措施。立即看。
去沖繩有什麼好去處及景點推介？
日本沖繩旅遊當然要遊覽水族館，包括沖繩最出名的美麗海水族館，及最新的DMM Kariyushi水族館，就座落於沖繩那霸機場旁，除了有大量影靚相打卡位外，還有與動物接觸的機會！當然，去沖繩又怎可以不去Outlet購物？即睇：4大Outlet推介。
