沖繩 除咗陽光與海灘，市內都有好多嘢玩。香港人去沖繩一定會去嘅 那霸 市，最適合一家大細或者幾個朋友去食下嘢買下嘢，依家仲多咗唔少嘢玩，以下介紹 7 個必去 checkpoints 俾大家參考下，準備好就出發！
1. 大人細路都啱玩 手繪醬油燒米餅
首站先去國際通的 HAPiNAHA ，係1座以體驗為主嘅商場，有 6 層咁高，入面真係好多嘢玩，當然主要對象係小朋友，但係大人入到去，都會玩到唔捨得走！而手繪醬油燒米餅位於 HAPiNAHA 1 樓，先將巨型生米餅放上電爐烤至金黃色，之後就可以用醬油喺米餅上大筆一揮，再烤到咖啡色就完成！全程有專人指導，成個過程 20 – 25 分鐘就有得食，大人小朋友都大呼過癮！
收費：每人￥800/ HK$56 需時：約 20 – 25 分鐘
2. 自製 HI – CHEW 軟糖
HI – CHEW 軟糖食得多，嚟到那霸仲有得自己落手整，位置同樣喺HAPiNAHA 1 樓，另1個唔願走嘅地方！入工場前，職員會先同你影相，然後印落糖果盒面，跟着入去開工嚕！將軟糖搓成條狀，切成一粒粒，用糖果紙包好入盒，最後大嘴鳥會推車仔俾大家收貨，糖果盒上有你張相，仲印埋製造者個名，夠晒獨一無二！
收費：每人￥1,620 / HK $113 需時：約30-35分鐘
3. 勁買 Pokemon 精品
喺1樓仲有好多好嘢，好似 Pokemon 專門店，之前所有人都變晒精靈訓練員，嚟呢度掃下貨啱晒！店入面有好多 Pokemon 精品俾大家添置，連比卡超都着番件花花恤衫襯番沖繩，好有心思！一於買番本百科全書返去再鑽研下！
4. 可愛 smoothie 車
玩到攰，商場門口附近有架幾吸睛嘅美食車，有好多款 smoothie 揀，幾好飲呀，而且老闆娘都人 nice 又靚女，不妨幫襯下小店。
5. 零距離接觸貓頭鷹
國際通有間貓頭鷹樂園，大家可以近距離接觸貓頭鷹！樂園有10隻貓頭鷹，可以入場參觀、影相，或者放喺手上摸摸，身旁會有照顧專員在場指示大家的。而場內除咗貓頭鷹，仲可以睇到其他罕見的動物！大人小朋友都實鍾意見下貓頭鷹。
收費：大人￥880/ HK$61 ；小童 ￥680/ HK$47
零距離接觸：大人￥1,200/ HK$83 ；小童 ￥880/ HK$61
6. 必買的骰菠蘿仔
成條國際通咁長，一定有好多嘢買，必買有呢個的骰菠蘿仔，手掌咁大，細細粒，買多啲返去都唔驚上唔到飛機同船啦！Q 版菠蘿仔可以攞返去種！最鍾意菠蘿，啱晒我！
7. 沖繩 限定版卡樂 B 手信
去旅行梗係買少少手信返去，估唔到沖繩呢間卡樂B 專門店有咁多款限定特產賣！記得試下即炸卡樂B 薯條，真係冇咩機會試到啊！另外，可以買埋鯨鯊版的薯條同埋石桓島海鹽朱古力味薯片，都係限定版嚟㗎！
去 沖繩 玩，唔一定坐飛機，最近仲可以揀搭郵輪，郵輪上嘅行程已經非常精彩，刺激玩意如巨型滑水梯、繩索陣等，室內就有豐富娛樂設施，餐廳、酒店、表演節目一應俱全，加埋無敵大海景 。一家大細登上郵輪，行程非常豐富！提前至少 30 天預訂 5 晚「沖繩之戀」夏季航程，即享 7 折優惠價，一於同小朋友去開心下！
最新的日本入境及疫苗要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。而日本回港時，香港政府早前都發表了最新的香港入境檢疫措施。立即看。
去沖繩有什麼好去處及景點推介？
日本沖繩旅遊當然要遊覽水族館，包括沖繩最出名的美麗海水族館，及最新的DMM Kariyushi水族館，就座落於沖繩那霸機場旁，除了有大量影靚相打卡位外，還有與動物接觸的機會！當然，去沖繩又怎可以不去Outlet購物？即睇：4大Outlet推介。
