菲律賓航空商務艙+貴賓室目錄
回到目錄
菲律賓航空商務艙+貴賓室！$10,561香港飛杜拜 座位/飛機餐/服務
經常要來回巴黎及杜拜的法國人人妻Carmen，喜歡和老公一起乘坐不同航空公司的頭等艙和商務艙。今次Carmen因為買錯機票，臨時買了一張最快由香港出發前往杜拜的機票，於是就選擇了菲律賓航空，於馬尼拉機場轉機，為大家開箱商務艙和貴賓室。想知道更多詳細分享記住Follow埋 IG @frenchwifeindubai同GOtrip的Facebook及IG啦！
回到目錄
菲律賓航空商務艙｜座位
今次Carmen由香港飛馬尼拉機場，然後於當然停留11小時，乘坐菲律賓航空PR 658的Airbus A330商務艙前往杜拜。座位分布為「2-2-2」，最特別的地方是放腳的位置是一高一低，Carmen從來無見過的座位：「瞓落去個感覺好奇怪，對腳高過隔離位，但都幾得意」。
Carmen認為最大問題座位沒有貯物空間：「正常都會有張枱、有個櫃仔可以放下嘢，但菲律賓航空係冇㗎，於是部電話淨係可以放喺扶手度，跟住跌咗落去兩張凳中間。空中服務員話最壞打算要落機後拆咗張凳，好彩最後用咗10分鐘撩得返部電話」。
娛樂方面，菲律賓航空是沒有電視的，每人會派一部迷你iPad：「我睇咗兩套Joker，整體嚟講啲戲都算新，派iPad幾得意，但我相信iPad只有商務艙乘客先有」、「派的耳機都是用到的，但冇降噪、冇隔音，比起其他航空公司有個Headset就差咁啲」。
菲律賓航空商務艙｜飛機餐
Carmen今程飛行時間為9.5小時，有一餐正餐和輕食。正餐有Pita麵包，可選雞肉飯、魚肉印度飯、烤牛扒意粉，甜品會有朱古力布甸和雪糕。 輕食方面有蝴蝶麵、水果、牛柳意粉、雞肉咖哩角、大蝦寬條麵。商務艙乘客亦可以任飲Cocktails、啤酒等等。
菲律賓航空商務艙飛機餐方面非常一般，Carmen指：「試過好多一線航空公司，覺得最大分別都係個飛機餐。菲律賓航空的食物唔算好食，但食得落口唔會肚痛就得，不過份量是眾多航空公司中最少。」
菲律賓航空商務艙｜貴賓室
Carmen於馬尼拉機場停留11小時，於是到貴賓室休息，大堂有Lounge Chair可以晾腳，Carmen找到了一間房，將幾張凳組成為一張「床」，大讚：「估唔到出面機場咁舊，貴賓室會咁Modern新淨。轉個頭登機又地勤人手拎住個牌仔周圍提大家上機，好似穿越時空咁」。
回到目錄
菲律賓航空商務艙｜整體體驗
Carmen其中一程是經濟艙，她認為機上冷氣非常凍，建議上機要帶定薄外套：「平時喺飛機唔會坎被，但菲律賓航空商務經濟艙同Lounge嘅冷氣都好勁」。
Carmen認為菲律賓航空提早買會更平，今次機票「即買即飛」費用為AED 5,000（HKD 10,561），價錢相對貴，比起早前南方航空杜拜飛東京費用AED 4,800 （HKD 10,139）：「起飛前先買機票，飛9個鐘又有平躺都算係咁，如果提早會再平少少」。Carmen整體體驗：「唔係話十分好，但係幾有趣，整體嚟講都合格，如果平啲都有可能會再坐」。
更多航空商務艙開箱：
