阿聯酋航空頭等艙目錄
回到目錄
阿聯酋航空頭等艙評價Emirates A380飛機餐/服務/價錢
經常要來回巴黎及杜拜的法國人人妻Carmen，喜歡和老公一起乘坐不同航空公司的頭等艙和商務艙。今次Carmen講到阿聯酋航空頭等艙的乘坐體驗，認為比國泰頭等艙更加正！想知道更多詳細分享記住Follow埋 IG @frenchwifeindubai同GOtrip的Facebook及IG啦！
回到目錄
阿聯酋航空頭等艙｜座位等於一間套房
Carmen坐的機型是A380的頭等艙，香港飛杜拜、杜拜飛香港都試過，Carmen指：「頭等艙就好似一間房咁，私隱度好高可以閂埋門」，房間裏面設施已經很齊全：「房入面已經有個迷你酒吧，㩒個制啲Evian、Perrier、可樂就會喺枱面升上嚟，㩒個制就可以睇YouTube」、「喺位已經有一個小食位置，有一啲健康有機嘅炸蔬菜片、薯片零食，朱古力都係杜拜一啲比較貴嘅牌子」。
機上娛樂方面，頭等艙房間裏面都有一個大螢幕配Bowers & Wilkins E1 頭戴式耳機，Carmen：「如果要挑剔，頭等艙唯一缺點就平躺後，距離個螢幕太遠」。
阿聯酋航空頭等艙過夜包品牌是Bulgari，內有香水、潤膚霜及潤唇膏等，Carmen：「佢哋會不停轉包裝，而且都好靚好實用，連男士都係Bulgari，真係好抌本」。
阿聯酋A380最出名當然有個迷你酒吧，但Carmen指：「坐頭等艙根本唔使出去，有需要喺間房入面㩒個制就會有空服員拎畀你，仲要全部都係靚酒。我一上機就飲咗2杯2003年嘅Dom Perignon Champagne，連隻玻璃杯都係靚杯」。
阿聯酋航空頭等艙｜飛機餐
Carmen指飛機餐簡直無得輸：「想幾時食就幾時食，因為好多嘢食，頭盤有2個、主菜、甜品又有2至3道，所以一上機就食。頭盤就已經有成兜魚子醬，再配Dom Perignon Champagne贏晒，再講味道同擺盤都好食好睇嘅」。
回到目錄
阿聯酋航空頭等艙｜淋浴間/洗手間
空服員會問頭等艙乘客有沒有沖涼的需要，Carmen指：「有空服員專門為頭等艙乘客安排沖涼時間，淋浴間有5分鐘出水時間，唔會夠時間洗頭，水係夠熱的，仲可以換埋阿聯酋航空提供嘅睡衣」、「基本上每次入廁所都係啱啱清潔好嘅狀態，廁板有即棄墊紙，好乾淨舒服」、「我覺得好爽，可以一個人霸住個廁所半個鐘，化埋妝都冇人催你。啲護膚品同牙刷都排得好整齊，個感覺似喺郵輪多過似喺飛機」。
回到目錄
阿聯酋航空頭等艙｜服務
阿聯酋航空頭等艙的服務貼心，Carmen大讚：「起飛前飛機Lock住咗，唔可以躺平住，叫空服員佢哋都會幫手開返個掣，起飛時再坐返好」、「試過有一次太肚餓，叫咗2個Main Course空服員都會照畀」。落機前空服員會派一個麻布袋，讓乘客袋好飛行中途送的物品：「個袋質地好靚，每次我都會拎晒啲零食、飲品、睡衣，個袋而家都會拎去買餸」。
回到目錄
阿聯酋航空頭等艙｜專車接送
因為於杜拜上機，頭等艙和商務艙都有私人專車接送，起飛前12小時可於官網預約：「上網Book好上車時間，喺屋企留下等就得。頭等艙嘅車係一架Lexus，車門寫住Emirates First然後直達杜拜機場阿聯酋航空專屬嘅Terminal 3」、「Terminal 3只係畀頭等艙同商務艙嘅乘客使用，基本上冇乜人，唔使點等」。
阿聯酋航空頭等艙｜貴賓室
阿聯酋航空頭等艙和商務艙的貴賓室大有不同，商務艙是自助餐形式，頭等艙是一間西餐廳，Carmen形容：「一入到去已經有人Serve你，餐牌所有早餐、晚餐都嗌得，酒全部都係靚酒，仲有10分鐘嘅免費按摩。Moët & Chandon嘅Champagne Bar可以試酒，成層都好大好鬆動，整體體驗都好正」。相比國泰的頭等艙貴賓室，Carmen指：「喺香港機場好迫好多人，又要同人爭位坐，感覺上Business Class冇太大分別，阿聯酋就唔使用人逼」。
回到目錄
阿聯酋航空頭等艙｜價錢
以香港飛杜拜為例，阿聯酋航空頭等艙單程直飛的價錢為$46,965起， 包50KG行李寄艙和2件7KG的隨身行李。
