大灣區航空評價目錄
回到目錄
大灣區航空評價｜安全嗎？好唔好？飛東京試坐！
編輯於3月頭出發前往日本，東京部份市區已開始有櫻花，而當時以大約$2,200買入一套來回機票，不過價錢未包行李，所以不算十分便宜。當日乘坐的航班編號為HB322（去程）及HB323（回程）於上午11:05出發，大約於下午4點到達東京成田機場， 即睇更多關於大灣區航空親身體驗！
日本櫻花2025｜櫻花季開花時間預測公佈！全國25大賞櫻景點推介！
想去東京上野旅行？即睇上野酒店推介及上野親子酒店推介！
回到目錄
大灣區航空評價｜1. 行李收費/重量/件數
行李方面，必需要注意行李件數，大灣區航空只提供20KG的寄艙行李，除非改為「鐘意飛」及「自由飛」，就會有 2件合共40KG寄艙行李（*行李政策於2024年11月更新）。加上大灣區航空寄艙行李是按件計算，並非按重量，所以岀發前務必要買齊行李件數！編輯因為沒有注意到，所以當場支付了$780 。幸運地，來回2次地勤亦有主動提出免費將手提行李篋寄艙，不用拖着行李登機。
大灣區航空的櫃枱會於起飛前40分鐘關閉，對於容易遲到的遊客來說算友善。
*行李政策於2024年11月更新： 任何票種一律包20kg寄艙行李以及7kg手提行李。
大灣區航空評價｜2. 登機閘口
當日的登機閘口於202號，行到去香港機場的盡頭，所以要花多一點時間。不過附近就有觀景台，打卡亦不錯！而成田機場的登機閘口是99號，同樣位於機場的盡頭，所以一定要留意時間！
它的座位偏硬，坐了2小時就開始腰痛，不過手柄、椅背完好無缺。與前方座位相距2.5個拳頭位，空間位置比較其他廉航來說算闊落，前方乘客挨後亦沒有不爽的感覺。
-
免費送1枝水
起飛後，空中服務員主動派發1枝免費的青藏高原礦物水。
-
行李架
在回程時行李架上不算爆，即使較遲上機亦有少量位置放手提行李。
搭飛機可唔可以用藍芽耳機？即睇GOtrip編輯為你解答飛機上可以用藍芽耳機嗎？一文睇香港6間航空公司規定 HKExpress/國泰！
回到目錄
大灣區航空評價｜4. 飛機餐
大灣區航空提供港式餐飲的飛機餐，例如餐蛋麵、冬菇臘味雞飯、三文治、焗豬扒飯等，價錢介乎於$60 至 $70 ，而合味道杯麵則是$30一個。
大灣區航空評價｜5. 免費揀位
飛東京羽田機場及成田機場的話，「左去右回」就有機會可以在空中看到富士山，任何一種票種的乘客，只要在起飛前於大灣區航空官網上辦理Online Check-in 即可免費揀位，編輯有幸於回程時看到日落時份的富士山！
坐飛機睇富士山｜7大要點 廉航都睇到！揀座位1個口訣要記實！
大灣區航空評價｜好唔好？
大灣區航空好唔好？總括而言，大灣區航空與一般廉航沒有太大分別，但座位相對闊落，航班時間亦不錯，所以可以一試。
回到目錄
大灣區航空評價｜網民用後感
大灣區航空評價｜乘客列出GBA航空8大優點！
有網民認為GBA航空公司在多方面優於其他廉航公司。有網民於「 HK Express 香港快運及旅行資訊關注組」列出大灣區的8大優點：
- 提前24小時可在線選擇座位（免費）
- 香港機場D區辦理登機手續幾乎無需排隊
- 起飛後每位乘客可免費獲得一瓶水
- 座位寬敞，但無法調整前後位置
- 飛機搭載率約80%，不會過於擁擠
- 航班準時起飛
- 回程時手提行李約6公斤，地勤人員主動提供免費寄存服務
- 看到其他乘客點的食物，看起來都不錯
該網民也有補充GBA航空的缺點：「當然都有啲地方麻麻地，好似空姐唔靚無咩服務，返到香港出行李慢啲，飛機降落個下真係震震地….除咗機型安全問題，應該之後都會考慮搭佢。」
總體而言，該網民認為大灣區航空在多個方面，優於其他廉價航空公司，不僅提升了服務質量，還吸引了許多乘客。儘管在行李處理速度上仍有改進的空間，但整體來看，大灣區航空是一個值得考慮的選擇。此外，網民也讚揚了大灣區的地勤人員主動提供免費行李寄存服務！不知道你又認不認同呢？
大灣區航空評價｜13位乘客對GBA航空的評論
2024年4月，於香港討論區一個貼文「請問一下去日本東京搭大灣區航空好唔好？ 覺得評價點呀？」所顯示，13位有乘坐過GBA大灣區航空的乘客，均對大灣區航空評價有讚有彈。大灣區航空的乘客評價中，優點集中於免費派水（最多人讚）、免費選座、部分航班提供充電、座位舒適以及乘客較少。多名乘客指出其服務較香港快運優勝，且無人認為「大灣區航空及不上香港快運」。缺點方面，主要集中在航班少、座位窄和航班延誤。航班少問題不大，而座位窄則因個人體型而異，亦有不少人認為座位舒適。最需改善的是航班時間不穩，有旅客反映航班延誤甚至取消，13則評價中有4次提及延誤，但亦有正面例子提到準時甚至提早到達。以下是13位GBA乘客的評價：
- GBA乘客「dioho」對GBA大灣區航空評價：去程沒水派， 回程派一枝水，位好過HK Express少少，冇HK Express咁窄。今次冇Delay， 準時；
- GBA乘客「evo65」對GBA大灣區航空評價：2月去東京都係搭佢，整體都唔錯， 位唔算窄， 到達時間多數有早；
- GBA乘客「山上異理想」對GBA大灣區航空評價：共搭過3次，未試過 Delay，好處比UO少客，排隊Check in較少人，放行李都易D，下次會再搭；
- GBA乘客「BuyBuy」對GBA大灣區航空評價：普通737飛機，冇電視、冇飛機餐 ( 可以買 ）平價飛唔包行李；
- GBA乘客「中午自信的雞翼」對GBA大灣區航空評價：每人有一支水派，個位窄D，椅唔係咁舒服，不過價錢平；
- GBA乘客「phyche」對GBA大灣區航空評價：坐過兩次，感覺好過HK Express， 有水派， 唔洗錢， HK Express乜都要錢；
- GBA乘客「鬼屋原始的牛」對GBA大灣區航空評價：坐大灣，隻機比UO（香港快運）舒適，但班次少；
- GBA乘客「溫柔的柔柔」對GBA大灣區航空評價：我覺得好過預期，揀位免費，支裝水都係免費。
- GBA乘客「manua」對GBA大灣區航空評價：今年搭過兩次，包20K行李，冇飛機餐，但如果需要可預先網上Order，來回都有1樽免費水派，起飛前24小時內可網上免費揀位。第一次去東京，去程準時，回程時本來搭中午機，點知航班取消，要改搭同日黃昏機。第二次大阪，來回程都準時，去程飛機有USB充電，回程冇；
- GBA乘客「UV400」對GBA大灣區航空評價：啱搭完去東京，Delay咗3個鐘；
- GBA乘客「caesarhung1968」對GBA大灣區航空評價：搭過一次，早上機，以為時間好靚。最後Delay到晚上到東京，冇咗一天。伏到死；
- GBA乘客「yyhleung」對GBA大灣區航空評價：小心睇清楚包寄艙幾Kg行李，上次只包10Kg， 搞到現場被屈多幾嚿；
- GBA乘客「cheung~~~~」對GBA大灣區航空評價：搭過1次，永遠唔會再搭。機少，成日Delay；
