$4,000鐵板燒Omakase突變「空氣餐」 次貨招待兼上漏主菜 侍應：Sorry囉
日前有網民於連登討論區發文表示打算與家人慶祝母親節，所以找一間好食的餐廳用餐。而父母表示曾到尖沙咀一間鐵板燒Omakase用餐幾次，覺得食物質素與服務都不俗，因此也推薦事主向這間餐廳用膳，想不到這才是一切惡夢的開始……
由於事主媽媽不吃牛肉，所以他就問餐廳職員會不會有沒有牛肉的爐端燒套餐，職員回覆沒有牛肉的爐端燒套餐要價$1,600，但含美國牛肉的爐端燒套餐只需$900，而含和牛的爐端燒套餐則要價$1,300。不過事主認為一家人出外用膳「最緊要開心」，便沒有太過介懷價錢，後來便叫了兩個和牛套餐及一個不含牛肉的爐端燒套餐，總價為$4,200。
但開始用餐後就出事了，當事主的宮崎牛肉上菜後他嚐了一口：「我X你老母，堅韌過我條命呀」他狠批牛肉三無「無味、無脂肪、無口感」，還將牛肉煎至全熟！他更指「x寶啲合成肉都無你間『Omakase』咁難食」。再來一個蟹蓋時，蟹蓋內居然塞了紫蘇葉：「我食任何一間平民居酒屋都唔會咁癲吓話？」
向餐廳投訴只獲一句卸責回應 疑當熟客為「水魚」
他思索片刻，認為以這個價位的鐵板燒Omakase而言，這個質素實在是不合理，便禮貌地向侍應查詢是不是上錯菜。豈料侍應竟回覆到：「有時供應商會俾啲次貨我地，等我同佢地反映吓先」氣憤的他認為餐廳推卸責任：「你做餐廳唔識睇咩肉唔俾得客食㗎咩？個客食完就一句反映吓就ok？」
餐廳繼續上菜，但事主到此刻已經對食物質素不抱任何希望，以「求其放入口啦」的想法進食。但他越食越覺得不對勁，逐向侍應索取菜單：「原來我哋個餐同$900個餐只係多咗啖海膽同北寄貝，仲要少咗一隻蝦同一碗蛤湯。當我水魚咁樣X，本身book嗰時又話咩一定滿意，原來都係想水X啲客！」
因為當日是為了慶祝母親節，反正媽媽也不吃牛肉，牛肉質素多惡劣也與她無關，只要媽媽的主菜無問題 就算了，所以事主便強忍怒氣繼續用膳。但用餐時間已過一個半小時，直到晚上9時媽媽的主菜仍未見蹤影：「知唔知最後上咗咩主菜呀？各位觀眾，你一定估唔到呀！係空氣呀，即係無上到呀！」
主菜失蹤卻無交代 事主硬食千元空氣餐
事主最後按捺不住詢問侍應，侍應先是回答「唔記得咗sorry囉」，後來更表示「不過都就十點，我哋都諗緊點趕啲客走，咁啦簡單啲我收你$1,200啦。」他坦言因為媽媽不吃牛肉與刺身，所以整餐鐵板燒Omakase只吃了沙律、前菜、薄切無味熟鮑魚一隻、一個熟蟹蓋、幾口海膽、炒飯與甜品，根本一整餐不值$1,600！最後因為扣減了$400，所以這餐母親節晚餐一共$4,000。但因為父母的意願便沒有當場追究：「如果唔係兩老唔想搞事，我一X定X到佢開花呀！」
大批網民看到帖文後紛紛鬧爆餐廳當客人是水魚：「伯母委屈了」、「吓4,000蚊食呢啲，呃錢呃到咁」、「好唔好食好主觀，但畀成4,000蚊可以有一個客無full set都幾癡」、「唔記得上主菜？間野個老細冇出糧所以啲伙記要玩X啲客？」同時也有曾到涉事餐廳用餐的網民留言：「我上次都喺呢間垃圾做咗水魚俠」、「呢間餐廳食過，狗也不X」。
後來事主亦回應部分網民：「學Alfred Chan咁講，我哋每一次食都只可以反映當日食物質素，可能今日個廚唔同咗，可能來貨又會唔同咗。但服務質素就唔會經常變了，依樣亦係最嬲嘅嘢。」
除此之外也有大批網民嘲諷他沒有報警，笑他超水魚：「唔報警？咁都忍得唔怪之得屎都放得入口」 、「多得你呢啲水魚，香港呢啲onX餐廳先可以咁fat fat」、「佢唔劏你劏邊個啫」、「見到個餐牌都唔會食啦，成千蚊得堆垃圾嘢」。
涉事食店原來是「積犯」 網民大呻同樣經歷
另外也不少網民指涉事餐廳在食評網Openrice上也有不少負評，不少曾用餐的食客都紛紛表示中伏「貼錢買難受」，負評包括食材有腥臭味、食物疑似煮燶也照常上菜、服務差劣等，勸事主下次訂位前應多做資料搜集，減低中伏機率。
