【聖誕好去處2020｜BT21聖誕登陸荃灣】今個聖誕節荃新天地citywalk將會舉辦「BT21 MEETS citywalk LOVE in Winter Town」主題活動，邀請來BT21眾多角色換上冬日妝扮，整個商場亦會化身成冬日小鎮，當中必看超夢幻純白聖誕樹、2米高打卡牆以及期間限定店。唔想錯過就要睇內文，check清楚3大打卡位喇！

延伸閱讀：聖誕好去處2020｜精選多個聖誕商場打卡推介 Sanrio/反斗奇兵/小丸子｜持續更新

撰文：CY｜圖片來源：相關機構

BT21聖誕登陸荃灣　必看3大打卡位！5米巨型VAN+夢幻純白聖誕樹+滾軸溜冰場

打卡位 1. 5米高巨型VAN星海中空降戶外花園廣場

宇宙機器人VAN帶領7位BT21成員空降荃新天地一期戶外花園廣場，到時候可以同TATA、CHIMMY、COOKY、RJ、SHOOKY、MANG及KOYA企定定影相，抬頭仲可以見到5米高守護者宇宙機器人VAN。加上周圍的霓虹燈點綴，場景有聖誕氣氛之餘，仲相當夢幻！

聖誕有BT21陪你過！BT21空降荃新天地　必看2米高打卡位+期間限定店最新精品
今個聖誕節，BT21的TATA、CHIMMY、COOKY、RJ、SHOOKY、MANG及KOYA將會換上冬日妝扮，乘坐宇宙機器人VAN登陸荃新天地citywalk！

打卡位 2. 純白聖誕樹+2米高巨型粒粒牆+期間限定店

難得到場打卡，必定要看夢幻純白聖誕樹！聖誕樹設於冬日小鎮中央，上面掛滿一眾BT21成員可愛裝飾，可愛爆棚！

聖誕有BT21陪你過！BT21空降荃新天地　必看2米高打卡位+期間限定店最新精品
夢幻純白聖誕樹位於小鎮中央，一眼就望得到！

來到「BT Town」，又點可以唔同2米高巨型粒粒牆一齊合照！粒粒牆色彩繽紛之餘，附近印滿BT21角色的得意樣貌，絕對係粉絲必打卡之處！隔籬仲有期間限定店，將會推出從未曝光、11月28日起首度發售的BT21迷你模型及最新系列精品，粉絲們快啲衝啊！

聖誕有BT21陪你過！BT21空降荃新天地　必看2米高打卡位+期間限定店最新精品
粉絲朝聖必到！2米高巨型粒粒牆即將進駐期間限定店！

打卡位 3. 親子互動滾軸溜冰場

而荃新天地二期中庭仲設有BT21滾軸溜冰場，一眾BT21可愛角色將會在場邊陪住大家一齊溜冰。一班爸爸媽媽可以即場與小朋友練習親子花式溜冰，活動以小組進行，有分不同時段，名額有限，額滿即止，有興趣就要記得報名喇！

聖誕有BT21陪你過！BT21空降荃新天地　超夢幻純白聖誕樹+期間限定店最新精品
荃新天地二期中庭特設BT21滾軸溜冰場， 一眾BT21可愛角色將於場邊陪伴大家玩樂一番！

此外，一眾角色TATA、CHIMMY、COOKY、RJ、SHOOKY、MANG及KOYA將藏身於場內不同角落，成功集齊所有角色，即可參加大抽獎，有機會贏取全城翹首以待的遊戲機PlayStation 5。「BT21 MEETS citywalk LOVE in Winter Town」將會在11月20日正式登場，唔知道大家又有冇興趣呢？

 

「BT21 MEETS citywalk LOVE in Winter Town」

  • 地點：新界荃灣荃新天地 1 期及 2 期
  • 日期：2020 年 11 月 20 日至 2021 年 1 月 3 日