有網民向專門分享網購蛋糕怪事的「無里頭客人合輯」404_cake投稿，指有客人訂購了一個價值$488的6吋蛋糕後，就向店舖索取12份餐具。因為一般市售的6吋蛋糕為4-6人份量，眼見客人要求提供12份餐具，便詢問客：「6吋夠食嗎？」而客人亦回覆到：「夠」，如是者店舖便跟據客人要求製作了6吋蛋糕及提供了12份餐具。
網店店主：你唔係話夠食咩？
但客人收到蛋糕成品後就大為不滿，遂向店家發送訊息批評到：「個蛋糕好細，完全切唔到12份」令店主十分疑惑，並詢問：「你唔係話夠食咩？」客人卻十分理直氣壯地大鬧店主，為何沒有自動加大份量：「我話整6吋你就整6吋？你唔可以整大啲？明知我12個人食。」客人無理取鬧的行徑令店主感到非常無奈。
投稿被公開後，引起大批網民熱議。不少網民看到客人的言論都批評客人十分無理：「好痴線 #關注香港人精神健康」、「同老細講『明知份糧唔夠用！唔識出多啲㗎？』」「面皮厚過個蛋糕」、「你唔可以買大啲？」。亦有網民笑言：「你要五餅二魚做耶穌邊個阻到你？」、「點解唔用榨汁機，分100份都得」、「係咪想你照整6吋，但成尺咁高」、「麥樂雞嘅價錢，燒春雞嘅份量」。
