忙碌完一星期，是時候計劃周末去邊玩！今次記者帶大家去元朗玩美國人氣飄移車 Crazy Cart！雖然車仔細細，不過配合埋15,000呎，全港唯一 元朗Crazy Cart 戶外賽車場，踩行油門衝出去，超爽的！
15,000呎！全港唯一 戶外 Crazy Cart 賽車場
美國人氣Crazy Cart，香港早有場地可以玩到。今次可以在一個有成四個籃球場咁大嘅戶外賽車場玩 Crazy Cart，踩油門的力度都可以大啲放啲。Crazy Cart 最高時速可以去到 27 公里，而且賽道有十多個彎位，用來飄移超爽！想再加速，由要於賽道彎位拉起飄移桿，後輪可以做到 360 度自由轉動，非常有速度感！
試玩報告
速度感：★★★★★
Crazy Cart 速度感好足夠，輕輕踏上油門都已經開得好快。而今次喺我第二次玩，比上次較為懂得控制車速。於直路踩大力啲向前衝，超爽的！
操作簡易程度：★★★☆☆
整體來說都容易控制，因為在沒有剎車制的情況下，你只會有腳踏和軚盤可以控制部車移動。如果對自己有要求，想揸快啲，就要練多幾次。
飄移簡易程度：★★☆☆☆
初學者的我來說，飄移有難度。在彎位都有嘗試過拉起飄移桿，不過就好容易變 360 度自轉，有點難做到飄移。參考現場比較熟練的師傅，如果想做到飄移，可以在入彎前，先微微將軚盤扭向你要轉的方向，然後拉起飄移桿，再將軚盤向相反方向扭，就比較易做到飄移效果。
抵玩度：★★★★☆
$70/10分鐘，其實玩一個圈大約一至兩分鐘，當你衝了大概 3 個圈，都已經開始攰，所以玩 10 分鐘我認為都好夠。以 $70 這價錢都好合理。而且可以一次最多可以十個人落場，成班朋友一齊玩，都玩得幾開心。
Mr. Car 車先生 Crazy Cart
地址：元朗十八鄉路馬田村旁邊（翹翠峰對面）（顯示地圖）
電話：6702 6821
收費詳情：
星期一至五 $70/10mins；$180/30mins，星期六、日及公眾假期 $80/10mins；$200/30mins
包場：星期一至五 1pm-6pm：$2,200/1 hour；6pm-10pm：$2,400/1 hour，星期六、日及公眾假期：暫時不提供包場服務
詳情留意官方網站
