日式餐廳提供「刺身丼飯可添飯」優惠 港人添飯卻被拒：我個價錢包埋㗎！
近日有港人於討論區「求平反」，指自己和朋友在一所日式餐廳吃飯時，點了幾款燒物串燒，看到餐牌上寫著「刺身丼可免費添飯」後便與再點了一個刺身丼。食物上枱時本來都滿心歡喜，後來想再追加小食時順便「叫bar入面師父加半碗飯，點知個樓面女侍應行過嚟問我哋：『係咪share？Share無得加飯』」。事主再追問指「係咪再加其他食物都唔可以？」，女店員則表示「唔可以，你兩個要叫兩個飽肚嘢先可以加飯」，但何謂「飽肚嘢」則沒有說明。
店員以Share為由拒絕加飯 網民：咁計較就咪學人話可以添飯
事主心有不甘，即與友人結帳離開，更表示店員態度惡劣，指「好似話我地呃飯食咁，個餐牌根本無寫明唔可以，我畀嘅價錢本來就係包埋，唔係我求你送畀我喎」。事後再向餐廳投訴但無人理會，因而在網上公開事件發洩。有網民看到後，希望事主「開名」，讓大家不要中伏。有人指「間嘢咁計較就咪學日本人添飯啦，係自己做衰自己」、「加個飯又唔係加個丼，咁計較就咪寫落餐牌」、「就算人哋擺到明share、講真白飯食得你幾多又要搞噱頭又要縮、一係你在菜單上寫埋條款」、「其實佢已經叫咗幾樣嘢，咁樣埋單都幾舊水啦喎」、「餐廳寫明可加飯，反晒口，今次我會buy事主多啲」。
港人搏大霧事件又出現 網民：下次你叫10個人Share仲得了
另一邊廂，有網民指「香港人貪小便宜嘅心又出哂嚟」，認為事主十分失禮。「不如下次去食自助餐訂一位，然後四個人去，全程一個人出去攞嘢食俾令外3位share, 睇吓間餐廳會唔會話佢？面係人哋俾，架係自己丟」、「姐係去韓燒，一個人嗌放題、另一個人嗌套餐，但係兩個人都食放題嘅概念」、「如果叫一碗飯兩個人食、冇問題！但添飯的本意係一人一碗唔夠飽可以加添、但是一碗多人食不斷添飯咁可以嗎？難道真係賣碗飯都要列出一堆規矩？以前茶記桌上有寫凈飲雙計的日子會重新開始」、「記得日本再早期真係有不成文規定，每人要叫一份餐No share，如果唔係間餐廳即比面色你睇」、「記得之前有一單，兩個中國大媽去日本嘅餐廳，兩人嗌一碗然後要免費加麵，啲留言鬧大媽鬧到爆」。
