夏天帶住小朋友諗節目，真係幾頭痛。好彩我Miss Sunny全家都熱愛陽光海灘，淺水灣就是我們最愛出沒的地方。從銅鑼灣坐車入去，15分鐘就到，好方便。上星期，我們游完水，跟手去the pulse行下商場，竟然被我發現有 雪糕賣。唔止一檔，而且賣嘅口味全部都好得意，外間少見，我一邊行一邊睇，諗咗好耐都揸唔定主意。
這個專賣 雪糕的周末市集，有近30款不同口味的雪糕，大人細蚊都會找到心頭好。
雪糕 口味 千奇百趣
我數過喇！差不多30款雪糕，有啲味道好特別，好似芝士龍蝦味、薑醋蛋味……夠得意！老闆話係用意大利黑醋做的薑醋蛋打成，酸酸哋，中和 雪糕的甜膩，每啖都帶微辣，而且有粒粒碎薑，口感唔錯。另外仲有用米芝蓮推介的媽咪雞蛋仔，捲住花形雪糕嘅「花之戀雞蛋仔」，即烘雞蛋仔配上凍冰冰的原味、綠茶，或者咖啡味 雪糕，冰火感受。
$50/120ml 芝士龍蝦 雪糕
將中南海龍蝦急凍，以分子低溫技巧辟去海鮮腥味，然後磨碎，再加入水牛芝士和巴馬臣芝士做成 雪糕漿，入口蝦味很濃，帶少少鹹鮮。
水泡 雪糕 $30/單球、$40/雙球、$50/三球
買 雪糕即送小水泡一個，即買即用，帶到樓下海灘，泡在碧波中慢慢食，涼透心。
我見小朋友最鍾意3D雪條，全部造型煞食，好似：機械人頭、花花、相機之類，味道仲得意，係鹽味花生、咖喱味同櫻花。我試過wasabi味的骷髗骨雪條，哈哈……甜甜哋，食落堅係辣喎，好好笑！接受唔到太新奇的味道？唔怕，有用酒做的雪條：薑汁清酒、White Sangria之類，加咗鮮果，味道清新，好似飲咗杯冰凍cocktail咁爽。想再特別啲，可以自己動手加上唔同味道的朱古力或綠茶醬，再撒上彩色碎糖，保證啱晒心水。
造型可愛的立體雪條，靚到唔捨得食：相機是鹽味花生、機械人頭是咖喱味、骷髏頭是wasabi味、花花是櫻花味，各$45。
內特設「最啱口味吧」，人客可以為雪條自行配搭各式朱古力或綠茶醬汁及糖果、脆米等等，做出獨一無二的味道。
$25西瓜清酒配朱古力醬、$30 White Sangria配綠茶醬
用cocktail做成的雪條，味道清新又消暑，配上自選醬汁，100%啱口味。
Selfie最啱！ 甜筒波波池
估唔到 雪糕市集連狗仔都照顧埋，呢個商場係pet friendly的，可以帶埋愛犬來嘆 雪糕。有款用純乳酪、燕麥同香蕉造成的狗狗 雪糕，成分天然，等狗狗都可以消暑降溫。食完 雪糕，記得幫狗狗喺 雪糕主題布置前影張靚相！
我家沒有小狗，但一樣喺甜筒波波池selfie得好開心，好似泳池咁，裏面全是巨型粒粒 雪糕同超大甜筒，影相一流。玩到攰，全家hea在巨型梳化唞下、嘆下冷氣，仲可以望到淺水灣無敵海景，爽到爆。
唔單止有純乳酪、燕麥、香蕉做成的狗狗雪糕畀主人消暑，仲有可愛雪糕主題場景畀主人同愛犬影靚相。
場內最吸睛的甜筒波波池絕對是影相好位，旁邊巨型沙發，方便買了雪糕可以坐低慢慢嘆。
場內餐廳 熱推限定 雪糕
呢個「雪糕Cool La La」活動橫跨整個暑假，逢星期六、日都有，唔單止商場內大把雪糕食，連場內餐廳都推出特色雪糕響應。我見樓下Limewood嗰碗Blue Lagoon，顏色夠繽紛，用咗椰子做主打，每啖椰香滿滿，好有南洋風情。坐喺餐廳半開放式長枱上吹住海風慢慢嘆，正！隔籬意大利餐廳Amalfitana又推出多款gelato，用西西里檸檬做Tartufo Bianco，酸甜平衡恰到好處，好醒胃。樓上的兒童會所Maggie & Rose仲出咗專畀小朋友食嘅雪條，零色素，絕無人造糖，100%全天然水果，有菠蘿同蘋果兩款口味，條條得食指咁長，少食多滋味～～
$75 Blue Lagoon (Limewood)
藍色的雪糕是椰子味，配上烤過的棉花糖、椰絲、乳酪及大量鮮果，繽紛悅目，啖啖椰香，很有熱帶風情。
$80 Tartufo Bianco(Amalfitana)
用西西里檸檬gelato和檸檬酒果醬做成，清新醒胃，細啖還吃到細碎的檸檬脆糖。
$80 Tartufo Nero(Amalfitana)
榛子gelato包住朱古力gelato，內藏濃香朱古力醬，每一啖都豐盈充滿可可豆香氣，朱古力fans不能錯過。
$70 Affogato(Amalfitana)
將雲呢拿雪糕加入特濃咖啡內，冷熱交融，一苦一甜，彼此衝突但入口後又非常和諧，好好味。
$28 BB雪條(Maggie & Rose)
只得5、6cm長的雪條，專為小朋友而設，零色素、不加糖，100%天然水果手工做成，有蘋果及菠蘿兩款口味。
參加「仲夏夢放映館」免費食獨角獸雪糕
游完水，食飽雪糕，千祈唔好趕住走，因為8月5、6、19、20日黃昏，仲會喺天台舉辦「仲夏夢放映館」，免費播放以夢想為主題的電影，最正係頭30位入場觀眾可免費獲得一杯象徵夢與想的獨角獸「夢想味」雪糕。今年大hit的粉藍色軟雪糕加上小角及眼睛，成為可愛的獨角獸，一邊食一邊吹住海風在星空下睇電影，果然係仲夏夜的浪漫！
「夢想味」雪糕
大熱的粉藍色雪糕竟然是薰衣草味，加上小角及耳朵，成為童話中的獨角獸造型，呃like一流。大會計劃免費派發給參加「仲夏夢放映館」的頭30名觀眾。
商場外的甜筒牆非常悅目，必影靚位！
Ice Cream Festival
地址：淺水灣海灘道28號the pulse商場L2層
電話：2815 8888
日期：即日- 27/8(逢星期六、日)
時間：12:00nn-7:00pm
Ice Cream Land
地址：淺水灣海灘道28號the pulse商場L2層
電話：2815 8888
日期：即日-31/8
時間：10:00am-10:00pm