有網民於Facebook群組「食在元朗」分享在該區一間雞煲店的用餐經歷，他表示在群組內看到有人介紹這間雞煲店，遂打算前往幫襯試食一下。但在到店用餐時，卻發現餐廳餐牌上的價錢與實際結帳埋單的價錢有所出入。事主一行人所品嚐的「招牌豬骨鍋」，餐牌上所標示的價錢為$118，但結帳時實收$138，價錢相差$20；而部分小食如「炸雲吞」及「麻辣香蔥撈魚皮」餐牌標價為$45，結帳時實收$50，收貴了$5。
當時事主就立即向餐廳職員查詢，職員回答到：「我哋係加咗價，因為啲餐牌係幾年前做嘅，所以無改價錢」。而事主亦怒斥店員的態度十分惡劣：「然後話我哋唔使咁執著，跟住問我哋想點樣處理，我就答佢話唔喺我想點樣處理，係你哋應該點樣處理」。他最後也無奈地提醒一眾網民到該店用餐時要特別小心，提防中招。
帖民一出就引發大批網民熱議，不少網民皆怒斥涉事店舖的行為十分不老實，絕對可以稱得上為「黑店」，建議事主無需與店員硬碰，可以用聰明方法例如報警，或向消費者委員會投訴：「佢咁嘅行為係違反商品說明條例」、「咁都得？！餐牌佢畀客睇的，如果沒有另外明文講明加咗價，咁同詐騙有咩分別？」、「商品說明條例告得啦，有留單據事後再告都仲得架」、「餐牌都唔改但又加價，有心欺詐啦一於報警啦」。
亦有網民指事主當時應該反駁餐廳職員：「佢叫你唔使咁執著，咁你都可以叫番佢唔好咁執着嗰廿蚊，收返幾年前嘅價錢啦」、「既然唔駛咁執著，點解唔收返舊價呢？」、「印象中係剛轉名，應該轉咗名唔夠半年，何來幾年前餐牌？」但也有網民報料稱餐廳即將結業，行為屬於「臨尾掠水」，所以報警也於事無補。
