日本人大讚香港讓座文化 網民：「批鬥座」根本要取消！
居港日人YouTuber —— May經常分享在港生活點滴，近日她特意拍片大讚香港人，並直言日本人應好好學習香港的讓座文化。事源May早前回日本探親，與年老的父母乘搭地鐵時遇到一名70多歲的伯伯，但由於車廂逼滿人而沒有座位坐，全程30分鐘都沒有一個人主動讓座，而座上的8成都是大學生，令她不禁地想「佢地呢班後生係咪唔舒服或者整親隻腳，點解咁唔為人著想，一個人讓座都無？」
相反，她在香港看到一家大細上地鐵，爸爸手抱著2個BB，媽媽推BB車，剛上車數秒便有幾個人同時站起讓座，令她相當感動，更指對日本人好失望，為何港人如此關心身邊陌生人，日本人卻視若無睹。
關愛座變批鬥座 網民大呻被逼讓座超不爽
對於日本人大讚香港人，網民當然高興，但同時亦把真相轉達給她，指不論讓座或是關愛座，通通根本應該取消，大家都是被逼出來的！網民指曾經坐在不是關愛座的位置時被老人家大鬧，「總之見到後生坐低就鬧，朝早返工時5、6歲細路眼金金望你，奉旨咁等人讓位，唔理佢嘅話仲同父母講，有時真係頂唔順」、「如果後生唔主動讓就會俾人拍片放上網批鬥，呢個其實都唔係好嘅現象。」
「試過放咗工好攰，要搭十幾個站地鐵，由總站搭到另一個總站再轉車。坐咗一兩個站就有個阿婆企正喺我個位前面，仲要一路望實我。咁嘅情況下其實我唔想讓（一嚟係對方理所當然嘅態度，二嚟係我好攰），迫於壓力都係讓咗，唔關咩同理心事。」
「點解成日覺得後生一定要讓座畀大過自己嘅人？後生都會攰，都會想坐，但一見到你黑色頭髮坐落關愛座就會畀人眼望望，其實咪又係位一個，套咗3個字落去變到做錯事咁，我有畀錢搭車㗎，以前都會好心讓座，而家係唔讓唔得！香港老人家先要學日本老人家，唔好咁老奉。」
香港人包容力超強 餐廳從不催單發脾氣
May指出另一行為希望日本人學習香港人的，便是包容力。她指在日本若果上錯食物或是遲遲有上餐，日本人都會怒氣沖沖發脾氣，隨便亦要叫店長出來解釋；但香港人則有超強包容力，May指自己觀察所得，即使食客點了凍檸茶，但後來上錯了凍奶茶，香港人通常都會無所謂並「照飲無發爛渣」，遲上菜時又會有禮貌地「唔該，幫我睇吓張單」，相當佩服。
不過吃了誠實豆沙包的網民又怎會讓May如此天真，網民趁機會「教精」May，指「香港人只係怕同對方嘈之後，對方拎返杯飲品去水吧換，拎返碟飯返廚房換，會幫自己加料。出去食最緊要唔好得罪廚房，係生存技倆，隨時畀人加料啊」、「在餐廳不會催單，唔係因為唔會，而係唔敢，怕會放些沒有傷害性但又嘔心的東西」。
