說起 長洲 過夜，必定想到租住度假屋。可是近年租金暴升，周末至少要$6、700/晚，衛生環境亦不太理想。雖然亦有環境較好的B&B選擇，但冇$1,000無法「落樓」，過一夜晚真心肉赤。最近長洲住宿有新選擇，既然秋風起，不如在新開的「西園」營地住紅番營。由半世紀莊園復修而成的西園農莊，園內提供營地設施，更有樹頂走廊及野外平衡車等活動，小朋友更可餵羊仔。留在園內一日，有嘢玩又可輕鬆避世，正！
（GOtrip 編按：近年長洲每逢假日人潮迫爆，島上居民深感市民因傳媒推介而「迫爆」長洲實在荒謬。小島的船程班次不勝負荷，大家決定行程前，請先看看原居民的意見。）
撰文：Keith 相片：Keith、西園農莊（原文刊於《新假期》）
長洲 「西園」是上世紀50年代由船廠家族擁有、作為私人花園之用的大型莊園。但已荒廢近三十年，最近經修葺後成為西園農莊。園內有大片草地、竹樹及花草植物，亦設有營地住宿，玩樂設施如樹頂走廊、野外平衡車及樹林攻防戰等等。十一月開始公眾可預訂入住，人均二百多元，夜晚可以躺在草地看星空，日頭可在園內玩樂，即使係長洲熟客，再入來玩都唔會悶。
五種營地 任你瞓
長洲 「西園」營地提供5種營地 ，包括印第安營、南非營及圓拱屋等等。
長洲 大草地森林 行樹頂吊索 玩野外平衡車
園內亦有不少活動可參加，留在營地避世不怕悶。記者推介樹頂走廊，由教練陪同下在園內樹間遊走，關卡重重，包括繩網、吊木及飛索等等。
另外樹林攻防戰亦是必玩之作，箭頭是軟膠，被射中亦不會太痛。在園內林木中走避，很有原始war game感覺。
除了以上較刺激的玩意，亦有一些適合小朋友玩。
在大西洋航行遙控船，園方會提供模型船，大家兩手揈揈就可以玩到。
西園農莊 – 長洲營地主題公園
facebook：Sai Yuen Farm, Cheung Chau 西園農莊 – 長洲營地 主題公園
地點：長洲西灣 DD CC Lot 12， 西園農莊(顯示地圖)
入場費：$160 (小童$88)
查詢：2981 1010
