居民：根本容納唔到
早前有網民指清明節當天，中環碼頭一大早已有不少人等待上船前往長洲，並指下午時份長洲人頭湧湧，「遊客仲多過拜山」，而排隊等候上船的人龍絡繹不絕。面對長期被「追捧」的局面，相信是當地居民的網民指：「呢到仲旺過旺角、銅鑼灣」、「長洲係一個住宅區，並唔係一個遊客區」、「長洲有嘅嘢出面都有，點解一定要入嚟？」。為了面對此情況，島上的居民只能以一個方法應對：「自己唔出門口」，猶似得了「人群密集恐懼症」。
長洲被市區人攻陷非新鮮事 長期零改善居民自救無力
其實長洲逼爆的局面引起居民不滿並非新鮮事，但一直以來也未見改善情況。即使長洲居民一直希望大家「唔好再迫晒入嚟」，因會騷擾居民原有生活外，更令環境變得烏煙瘴氣，垃圾桶長期塞滿以致擺放在路上，最嚴重導致長洲往來市區航班供不應求。
及後長洲居民亦有自發組成「長洲新渡輪關注組」，分享每天最新航班消息及座位情況，不少網民指「長洲連平日都迫爆，仲搞到個環境好污糟」、「還我清靜長洲」、「喺食物名前加長洲兩個字都夠發達，明明只係值2蚊嘅嘢，放落長洲賣20蚊都大把人買。喂大佬，香港都買到啦」。
長洲成為「遊客區」似乎已成不爭的事實，即使改變不了，但最少也希望大家愛惜環境，踏單車時保持應有禮貌。
